ବୌଦ୍ଧ,୬/୧୦- ଗଙ୍ଗାଧର ମେହେର ସ୍ୱେଚ୍ଛାସେବୀ ସମିତି ତରଫରୁ ଆଜି ସମୁହ ତିଳତର୍ପଣ କରାଯାଇଛି । ଏହି ଅନୁଷ୍ଠାନ ତରଫରୁ ଯେତେସବୁ ଅଜଣା ଅସହାୟ ବ୍ୟକ୍ତିଙ୍କର ଶବ ସତ୍କାର କରାଯାଇଛି ଓ କରୋନା ଜନିତ ଅପମୃତ୍ୟୁ ବା ଦୁର୍ଘଟଣାରେ ମୃତ୍ୟୁବରଣ କରିଥିବା ବ୍ୟକ୍ତିବିଶେଷ ଓ ହାତୀକୁ ବଞ୍ଚାଇବାକୁ ଯାଇଥିବା ଓଡ୍ରାଫ ଟିମର ସଦସ୍ୟ ଓ ସାମ୍ବାଦିକ ବନ୍ଧୁଙ୍କର ଆତ୍ମାର ସଦଗତି କାମନା କରାଯିବା ସହିତ ମହାନଦୀରେ ତିଳତର୍ପଣ କରାଯାଇଛି । ଏଥିସହିତ ସ୍ଥାନୀୟ କୁଷ୍ଠାଶ୍ରମରେ ଥିବା ଅନ୍ତେବାସୀଙ୍କୁ ଖାଦ୍ୟ ଓ ବସ୍ତ୍ର ଦାନ କରାଯାଇଛି । ଏହି କାର୍ଯ୍ୟକ୍ରମରେ ପ୍ରତିଷ୍ଠତା ଇନ୍ଦ୍ରମଣି ମେହେର, ସଭାପତି ମିନୁପ୍ରସାଦ ମିଶ୍ର , ସଂଯୋଜଙ୍କ ରାମଚନ୍ଦ୍ର ମେହେର , ସୁମନ୍ତ ମେହେର, ଶିତେନ ବାରିକ, ସନ୍ତୋଷ ମେହେର ଓ ରାଜୁ ମେହେର ଯୋଗ ଦେଇଥିବାବେଳେ ଏମାନଙ୍କୁ ନରେଶ ବେହେରା ସହଯୋଗ କରିଥିଲେ । ଅନୁଷ୍ଠାନର ଏପରି କାର୍ଯ୍ୟକୁ ସାଧାରଣରେ ପ୍ରଶଂସା କରାଯାଇଛି ।