ବୌଦ୍ଧ – କରୋନା ସନ୍ଦିଗ୍ଧ ମାନଙ୍କର ସ୍ବାବ ନମୂନା ପରୀକ୍ଷା ପାଇଁ ଯାଇଥିବା ଆହୁରି 177 ଟି ନମୁନାର ରିପୋର୍ଟ ଜିଲ୍ଲା ପ୍ରଶାସନର ହସ୍ତଗତ ହୋଇ ନଥିବା ସୂଚନା ମିଳିଛି l ଜିଲ୍ଲା ସୂଚନା ଓ ଲୋକ ସମ୍ପର୍କ ଅଧିକାରୀ ଗଣମାଧ୍ୟମକୁ ଦେଇଥିବା ସୁଚନା ଅନୁଯାୟୀ ଆଜି ସୁଦ୍ଧା ବୌଦ୍ଧ ଜିଲ୍ଲାରୁ 3473 ଗୋଟି ସ୍ବାବ ସଂଗ୍ରହ କରାଯାଇ ପରୀକ୍ଷାଗାରକୁ ପଠା ଯାଇଥିବା ଜଣାପଡିଛି l ସେଥି ମଧ୍ୟରୁ 3296 ଗୋଟି ନମୁନାର ରିପୋର୍ଟ ଆସି ଯାଇଛି ଓ ବାକି 177 ଗୋଟି ସ୍ବାବ ନମୂନାର ରିପୋର୍ଟ ଆସିବାକୁ ବାକି ଅଛି | ଆସିଥିବା ରିପୋର୍ଟ ମଧ୍ୟରୁ 3296 ଗୋଟି ରିପୋର୍ଟ ନେଗେଟିଭ ରହିଥିବା ବେଳେ 132 ଗୋଟି ପଜିଟିଭ ବାହାରିଥିଲା l ଆଜି ସୁଦ୍ଧା 64 ଜଣ ଆକ୍ରାନ୍ତ ସୁସ୍ଥ ହୋଇ ଫେରିଥିବା ବେଳେ ଆଉ 68 ଜଣ ବର୍ତ୍ତମାନ ଚିକିତ୍ସାଧୀନ ଅଛନ୍ତି ବୋଲି ସୂଚନା ମିଳିଛି l