ବୌଦ୍ଧ,୨୨/୮:- ଆଜି ସ୍ଥାନୀୟ ପ୍ରଜାପିତା ବ୍ରହ୍ମାକୁମାରୀ ଈଶ୍ୱରୀୟ ବିଶ୍ୱବିଦ୍ୟାଳୟ ପରିସରରେ ପବିତ୍ର ରକ୍ଷାବନ୍ଧନ ଉତ୍ସବ ପାଳିତ ହୋଇଯାଇଛି । କୋଭିଡ କଟକଣାକୁ ଦୃଷ୍ଟିରେ ରଖି ଅଳ୍ପସଂଖ୍ୟକ ଭାଇଭଉଣୀଙ୍କ ଗହଣରେ ପାଳିତ ହୋଇଛି । କେନ୍ଦ୍ର ସଞ୍ଚାଳିକା ବ୍ରହ୍ମାକୁମାରୀ ମାମିନା ଭଉଣୀ ଓ ରେଣୁ ଭଉଣୀ ଅନୁଷ୍ଠାନର ଉପସ୍ଥିତ ଭାଇଭଉଣୀଙ୍କୁ ରାକ୍ଷୀ ବାନ୍ଧିଥିଲେ । ବ୍ରହ୍ମକୁମାର ନିର୍ମଳ ଭାଇ କବିତା ମାଧ୍ୟମରେ ଆଜିର ସଙ୍କଟମୟ ପରିସ୍ଥିତିରେ ପରମାତ୍ମାଙ୍କର ଶରଣାପନ୍ନ ହେବାପାଇଁ ଆହ୍ୱାନ ଦେଇଥିଲେ ।
ଏହି ଅବସରରେ ଜିଲ୍ଲା ଜଜ୍, ଜିଲ୍ଲାପାଳ ଲଲାଟେନ୍ଦୁ ମିଶ୍ର ଓ ତାଙ୍କ ଧର୍ମପତ୍ନୀଙ୍କୁ ଏବଂ ଜିଲ୍ଲା ଆରକ୍ଷୀ ଅଧୀକ୍ଷକ ଜ୍ଞାନରଞ୍ଜନ ମହାନ୍ତିଙ୍କୁ ପ୍ରଜାପିତା ତରଫରୁ ଭଉଣୀମାନେ ରାକ୍ଷୀ ବାନ୍ଧିଥିଲେ ।