ବୌଦ୍ଧ/ବାଉଁଶୁଣୀ,୨/୬ – ଆଜି ସନ୍ଧ୍ୟା ସମୟରେ ଜାତୀୟ ରାଜପଥ ନମ୍ବର ୫୭ର ବାଉଁଶୁଣୀ ଡିମିରିପାଲି ଛକ ନିକଟରେ ଦୁଇଟି ବାଇକ ମଧ୍ୟରେ ଦୁର୍ଘଟଣା ଘଟି ଦୁଇ ଜଣ ଯୁବକ ଗୁରୁତର ଆହତ ହୋଇଥିବା ଜଣାପଡିଛି । ଯୁବକ ଦ୍ୱୟ ହେଲେ ଡିମିରିପାଲି ଗ୍ରାମର ହିମାଂଶୁ ଲୁହା(୪୫) ଓ ମଙ୍ଗଲାମୁଣ୍ଡା ଗ୍ରାମର ସମ୍ବିତ ପାଣ୍ଡେ (୨୧) ବୋଲି ଜଣାପଡିଛି । ହିମାଂଶୁ ବାଉଁଶୁଣୀ ଛକକୁ କୈଣସି କାମରେ ଆସି ନିଜ ଘର ଡିମିରିପାଲି ଗ୍ରାମକୁ ଯିବା ସମୟରେ ଅପରପାର୍ଶ୍ୱରୁ ବାଇକ ଆସି ଧକ୍କା ଦେଇଥିଲା । ଘଟଣାସ୍ଥଳରେ ବାଉଁଶୁଣୀ ଦମକଳବାହିନୀ ପହଞ୍ଚି ଉଭୟ ଯୁବକଙ୍କୁ ଉଦ୍ଧାର କରି ବାଉଁଶୁଣୀ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତିର୍ି କରିଥିଲେ । ସ୍ୱାସ୍ଥ୍ୟବସ୍ଥା ଗୁରୁତର ହେବାରୁ ଉଭୟଙ୍କୁ ସୋନପୁର ଡାକ୍ତରଖାନାକୁ ସ୍ଥାନାନ୍ତର କରାଯାଇଛି ।