ବୌଦ୍ଧ, ୧୦/୮ – ବୌଦ୍ଧଜିଲ୍ଲା ହରଭଙ୍ଗା ବ୍ଲକ୍ ବୀରନରସିଂହପୁର ଗ୍ରାମ ପଂଚାୟତର ହାଟଗାଁ ଗ୍ରାମରେ ଏକ ବିଷଧର ସାପ କାମୁଡାରେ ଜଣେ ଯୁବକଙ୍କ ମୃତ୍ୟୁ ହୋଇଥିବା ଜଣାପଡିଛି । ମିଳିଥିବା ସୂଚନା ଅନୁଯାୟୀ ହାଟଗାଆଁ ଗ୍ରାମର ନିରଞ୍ଜନ ମେଣ୍ଡିଲୀ(୪୫ ବର୍ଷ ) ନାମକ ଜଣେ ଯୁବକ ଶନିବାର ରାତିରେ ଘରେ ଶୋଇଥିବା ଅବସ୍ଥାରେ କୌଣସି ଏକ ବିଷଧର ସାପ କାମୁଡି ଦେଇଥିଲା । ସ୍ଥାନୀୟ ଗୁଣିଆ ମାନଙ୍କ ଠାରୁ ଫୁଙ୍କା ଝଡା ଓ ଔଷଧ ଖାଇ ସେ ରବିବାର ଦିନ ସାରା ଡାକ୍ତରଖାନା ନଆସି ରହି ଯାଇଥିଲେ । ଗତ ରାତିରେ ବିଷକ୍ରିୟା ଯୋଗୁଁ ନିରଞ୍ଜନ ଅଚେତ ହୋଇପଡିଥିଲେ । ୧୦୮ ଆମ୍ବୁଲାନସ୍ ଯୋଗେ ତାଙ୍କୁ ଆଜି ସକାଳେ ବୌଦ୍ଧ ଡାକ୍ତରଖାନା ଅଣାଯାଇଥିଲା କିନ୍ତୁ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ ।