ବୌଦ୍ଧ/ବାଉଁଶୁଣୀ,୧୯/୧୧ – ଆସନ୍ତା ଖରିଫ ୨୦୨୦ -୨୧ ଧାନ ସଂଗ୍ରହ ପାଇଁ ଚାଷୀଙ୍କୁ ଧାନର ମାନ ପରୀକ୍ଷଣ ତାଲିମ କାର୍ଯ୍ୟକ୍ରମ ବହିରା ସେବା ସମବାୟ ସମିତି ପରିସରରେ ଅନୁଷ୍ଠିତ ହୋଇଯାଇଛି । ନିୟନ୍ତ୍ରିତ ବଜାର କମିଟି ବୌଦ୍ଧ ପକ୍ଷରୁ ଆୟୋଜିତ ଏହି ତାଲିମ ଶିବିରରେ ବହିରା ସମିତି ଅଞ୍ଚଳର ପ୍ରାୟ ୪୦ ଜଣ ଚାଷୀ ଯୋଗ ଦେଇଥିଲେ । ଏହି ତାଲିମ୍ ଶିବିରରେ ଆର.ଏମ.ସି.ର କର୍ମକର୍ତ୍ତା, ସମିତିର ସମ୍ପାଦକ, ପଞ୍ଚାୟତ ନିର୍ବାହୀ ଅଧିକାରୀ, ବାଉଁଶୁଣି ରାଜସ୍ୱ ନିରୀକ୍ଷକ ପ୍ରମୁଖ ଯୋଗ ଦେଇଥିଲେ । ନିୟନ୍ତ୍ରିତ ବଜାର କମିଟି ପକ୍ଷରୁ ଉପସ୍ଥିତ କୃଷକ ମାନଙ୍କୁ ଏଫ.ଏ.କ୍ୟୁ ମାନର ଧାନ କିଭଳି ନିର୍ଦ୍ଧାରଣ କରାଯାଏ ସେ ସମ୍ପର୍କରେ ତାଲିମ ଦେଇଥିଲେ ।