ବୌଦ୍ଧ,୧୫/୬- ବୌଦ୍ଧ ଟାଉନହଲଠାରେ ୧୮ ରୁ ୪୪ ବର୍ଷ ବୟସ୍କଙ୍କ ପାଇଁ ଦ୍ୱିତୀୟ ପର୍ଯ୍ୟାୟ ଟିକାକରଣ ଆସନ୍ତାକାଲି ଆରମ୍ଭ ହେଉଛି । ଆଜି (ମଙ୍ଗଳବାର) ଦିନ ୧ଘଣ୍ଟା ସମୟରେ ସ୍ଲଟ ଖୋଲାଯିବାପରେ ୧୫ମିନିଟ ମଧ୍ୟରେ ୧୬, ୧୭ ଓ ୧୮ ତାରିଖ ପାଇଁ ଧାର୍ଯ୍ୟ ପ୍ରତ୍ୟେକ ଦିନର ୫୦୦ ଲେଖାଏଁ ଟିକା ବୁକିଙ୍ଗ ଶେଷ ହୋଇଯାଇଛି । ସୂଚନାଯୋଗ୍ୟ ଯେ ବୌଦ୍ଧଜିଲ୍ଲାକୁ ବର୍ତ୍ତମାନ ୩ହଜାର ଟିକା ଆସିଥିବାରୁ ଅବଶିଷ୍ଟ ୧୫ଶହ ଟିକା ଆସନ୍ତା ରବିବାର ୨୦ ତାରିଖଦିନ ସ୍ଲଟ ବୁକିଙ୍ଗ ଧାର୍ଯ୍ୟ ହୋଇପାରେ ବୋଲି ସୂଚନା ମିଳିଛି । ଫଳରେ ପୁଣିଥରେ ୨୧, ୨୨, ୨୩ ତାରିଖରେ ତୃତୀୟ ପର୍ଯ୍ୟାୟ ଟିକାକରଣ ହୋଇପାରେ । ଏ ସଂପର୍କରେ ସବିଶେଷ ସୂଚନା ଜିଲ୍ଲା ସ୍ୱାସ୍ଥ୍ୟବିଭାଗ ଖୁବ ଶୀଘ୍ର ଜଣାଇବ ବୋଲି ବିଶ୍ୱସ୍ତ ସୁତ୍ରରୁ ପ୍ରକାଶ ।