ବୌଦ୍ଧ,୧୭/୦୬ – ବର୍ତ୍ତମାନ କୋରନା ମହାମାରୀ ଜନଜୀବନକୁ ନାନାଦି ସଙ୍କଟରେ ପକାଉଛି । ଏହି ମହାମାରୀ ସମୟରେ ହରଭଙ୍ଗା ବ୍ଲକ୍ ସାଂପୋଚ ଗ୍ରାମ ପଞ୍ଚାୟତ ଶ୍ୟାମସୁନ୍ଦରପୁର ଗ୍ରାମର ଯୁବ ସ୍ୱେଚ୍ଛାସେବୀ ତଥା ବୌଦ୍ଧ ଗର୍ଜନ ସେନାର କର୍ମକର୍ତ୍ତା ଅଭିମନ୍ୟୁ ପ୍ରଧାନ ନିଜର ଜନ୍ମ ଦିନକୁ ନିଆରା ଢଙ୍ଗରେ ପାଳନ କରିଛନ୍ତି । ସେ ବୌଦ୍ଧ ବ୍ଲଡ ବ୍ୟାଙ୍କରେ ରକ୍ତଦାନ କରି ଜନ୍ମଦିନ ପାଳନ କରିଛନ୍ତି । ଗର୍ଜନ ସେନା ତରଫରୁ ବାଲ୍ମିକୀ ମହାକୁଡ଼ ଅଭିମନ୍ୟୁ ପ୍ରଧାନଙ୍କୁ ଏଥିପାଇଁ ଧନ୍ୟବାଦ ଦେବାସହ ସେ ମଧ୍ୟ ରକ୍ତଦାନ କରିଛନ୍ତି । ରକ୍ତଦାନ ପରି ମହତ କାର୍ଯ୍ୟ ପାଇଁ ଆଜିର ଯୁବ ସମାଜ ଆଗେଇ ଆସୁଥିବା ନିଶ୍ଚିତ ଭାବେ ରକ୍ତାଭାବ ସମସ୍ୟାକୁ ଦୂର କରିବ ।