ବୌଦ୍ଧ,୪/୭- ଆଜି ବନ ମହୋତ୍ସବ ପାଳନ ଅବସରରେ ଜିଲ୍ଲା ଆଇନ ସେବା ପ୍ରାଧିକରଣ ବୌଦ୍ଧ ଓ ଜିଲ୍ଲା ଜଙ୍ଗଲ ବିଭାଗ ମିଳିତ ଆନୁକୂଲ୍ୟରେ ବୌଦ୍ଧର କେନ୍ଦ୍ରୀୟ ବିଦ୍ୟାଳୟ, ବାବା ବୈଦ୍ୟନାଥ ଉଚ୍ଚ ବିଦ୍ୟାଳୟ, ସରସରା ଏବଂ ପୁରୁଣାକଟକ ଉଚ୍ଚ ବିଦ୍ୟାଳୟ ପରିସରରେ ଜିଲ୍ଲା ଓ ଦୌରାଜଜ୍ ଜିଲ୍ଲା ଆଇନସେବା ପ୍ରାଧିକରଣ ଶ୍ରୀ ଅରବିନ୍ଦ କୁମାର ଗୁରୁଙ୍କ ଅଧ୍ୟକ୍ଷତାରେ ବୃକ୍ଷରୋପଣ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଏହି ଶିବିରରେ ଅତିରିକ୍ତ ଜିଲ୍ଲା ଓ ଦୌରାଜଜ୍ ସତ୍ୟନାରାୟଣ ଷଡଙ୍ଗୀ, ମୁଖ୍ୟ ଦଣ୍ଡାଦେଶ ଅଧିକାରୀ ହୃଷିକେଶ ଆଚାର୍ଯ୍ୟ, ରେଜିଷ୍ଟ୍ରାର ଦେବାନୀ କୋର୍ଟ ପ୍ରୀତିଶ କୁମାର ରାଉତରାୟ, ବରିଷ୍ଠ ଦେବାନୀ ବିଚାରପତି ଦୁର୍ବାସା ଦୁର୍ଗା, ଜିଲ୍ଲା ଆଇନସେବା ପ୍ରାଧିକରଣ ସଚିବ ଚରଣଜିତ ଓରାମ, ପ୍ରଥମଶ୍ରେଣୀ ବିଚାରୀୟ ଅଧିକାରୀ ଶିବାନୀ ମିଶ୍ର, ଉପଖଣ୍ଡ ବନ ଅଧିକାରୀ ଯଶୋବନ୍ତ ସେଠୀ ପ୍ରମୁଖ ଉପସ୍ଥିତ ଥିଲେ । ଏହି ବନମହୋତ୍ସବ କାର୍ଯ୍ୟକ୍ରମରେ ଏହିସବୁ ବିଦ୍ୟାଳୟର ଶିକ୍ଷକ ଶିକ୍ଷୟିତ୍ରୀ, ଆଇନସେବା ପ୍ରାଧିକରଣ, ବନବିଭାଗର କର୍ମଚାରୀ ଏବଂ ପାରାଲିଗାଲ ଭଲେଣ୍ଟିଅରମାନେ ଯୋଗଦେଇ ବହୁ ସଂଖ୍ୟାରେ ବୃକ୍ଷରୋପଣ କରିଥିଲେ ।