ବୌଦ୍ଧ,୧/୭- ବିଭିନ୍ନ ଦାବିନେଇ ବୁଦ୍ଧିଷ୍ଟ ଇଣ୍ଟରନେସନାଲ ନେଟୱାର୍କ ପକ୍ଷରୁ ମହାମହିମ ରାଷ୍ଟ୍ରପତିଙ୍କ ଉଦ୍ଦେଶ୍ୟରେ ଏକ ଦାବିପତ୍ର ବୌଦ୍ଧ ଉପଜିଲ୍ଲାପାଳଙ୍କୁ ପ୍ରଦାନ କରାଯାଇଛି । ଉତ୍ତରପ୍ରଦେଶର ଅଯୋଧ୍ୟା ଠାରେ ଥିବା ବୌଦ୍ଧପୀଠର ଧ୍ୱଂସାବଶେଷ ନିକଟରେ ଏକ ବୁଦ୍ଧମନ୍ଦିର ନିର୍ମାଣ ପାଇଁ ଦାବି କରାଯାଇଛି । ସେହିପରି ହରଭଙ୍ଗା ବ୍ଲକ କେଳାକଟା ନିକଟ ପାହାଡରେ ପ୍ରସ୍ତାବିତ ୧୦୮ ଫୁଟ ଉଚ୍ଚତା ବିଶିଷ୍ଟ ବୁଦ୍ଧମୂର୍ତ୍ତି ନିର୍ମାଣକାର୍ଯ୍ୟ ଶୀଘ୍ର ଆରମ୍ଭ କରାଯିବା ପାଇଁ ଦାବି କରାଯାଇଥିବା ବୌଦ୍ଧଜିଲ୍ଲା ଶାଖାର ସଭାପତି କୃତ୍ତିବାସ ପଲିଆ ଓ ଗୌତମ ବୁଦ୍ଧ ଶାନ୍ତି ପରିଷଦର ସାଧାରଣ ସଂପାଦକ ନିର୍ଗୁଣ ମହାକୁଡ ପ୍ରକାଶ କରିଛନ୍ତି । ଦାବିପତ୍ର ପ୍ରଦାନବେଳେ ସୁରେଶ ରାଜହଂସ, ପବିତ୍ର ମହାନନ୍ଦିଆ, ରଞ୍ଜନ ବାଦୀ ପ୍ରମୁଖ ଉପସ୍ଥିତ ଥିଲେ ।