ହରଭଙ୍ଗା,୨୮/୧ :-.ବୌଦ୍ଧ ଜିଲ୍ଲା ହରଭଙ୍ଗା ଲୋକ ମହୋତ୍ସବ ଦ୍ୱିତୀୟ ସନ୍ଧ୍ୟା କାର୍ଯ୍ୟକ୍ରମରେ ମୁଖ୍ୟ ଅତିଥିଭାବେ ଜିଲ୍ଲାପରିଷଦ ଅଧକ୍ଷା ପ୍ରଭାସିନୀ ଦାସ ଉପସ୍ଥିତ ଥିବାବେଳେ ସମ୍ମାନିତ ଅତିଥି ଭାବେ କୁଶଙ୍ଗ ସରପଞ୍ଚ ଜିତେନ୍ଦ୍ର ବେହେରା, ଶଙ୍କୁଲେଇ ସରପଞ୍ଚ ସୁଚିତ୍ରା ଛନ୍ଦ, ପଶ୍ଚିମ ଓଡିଶା ବିକାଶ ପରିଷଦ ସଦସ୍ୟ ତଥା ମହୋତ୍ସବ କମିଟିର ସଭାପତି ସୁବୋଧ ପ୍ରଧାନ, ହରଭଙ୍ଗା ପଂଚାୟତ କଲେଜର ଅଧ୍ୟକ୍ଷ ପ୍ରିୟନାଥ ଶର୍ମା, ଇଂ ଆଶୁତୋଷ ମହାପାତ୍ର ଉପସ୍ଥିତ ରହିଥିବା ବେଳେ ସିନେ ନିର୍ଦ୍ଦେଶକ ବନମାଳୀ ରଣା ମଞ୍ଚ ପରିଚାଳନା କରିଥିଲେ । ମହୋତ୍ସବର ଦ୍ୱିତୀୟ ସନ୍ଧ୍ୟା ସାଂସ୍କୃତିକ କାର୍ଯ୍ୟକ୍ରମରେ କଲେଜ ଛାତ୍ରୀଙ୍କ ଦ୍ୱାରା ସ୍ୱାଗତ ସଂଗୀତ ଗାନ ଢୋଲ ମହୁରୀ -ବଲାଙ୍ଗୀର, ବଉଳି କଣ୍ଟାମାଳ ଓ ଦଣ୍ଡ ନାଚ ହରଭଙ୍ଗାଙ୍କ ଦ୍ୱାରା ନାଚ ଗୀତ ସହିତ ସୁନାମ ଧନ୍ୟା କଣ୍ଠଶିଳ୍ପୀ ନୀଳିମା ମହାନ୍ତିଙ୍କ ଦ୍ୱାରା ସଂଗୀତ ପରିବେଷଣ ଜନସାଧାରଣଙ୍କୁ ମୋହିତ କରିଥିଲା । ମହୋତ୍ସବରେ ବିଭିନ୍ନ ସୁସ୍ୱାଦୁ ଖାଦ୍ୟ ଷ୍ଟଲ, ମିନାବଜାରରେ ଲୋକଙ୍କ ଭିଡ଼ ଜମିଥିଲା । ଦ୍ୱିତୀୟ ସନ୍ଧ୍ୟାରେ ହରଭଙ୍ଗା ଡ୍ରାଇଭର ମହାସଂଘ ଓ ମହୋତ୍ସବ କମିଟିର ସଦସ୍ୟ ମାନେ ବିଭିନ୍ନ କାର୍ଯ୍ୟକ୍ରମରେ ସହଯୋଗ କରିଥିଲେ ।