ହରଭଙ୍ଗା ,୨୧/୧- ବୌଦ୍ଧ ଜିଲ୍ଲା ହରଭଙ୍ଗା ବ୍ଲକ ପ୍ରଗଳପୁର ତସରା ଖେଳପଡିଆ ଠାରେ ବୁଦ୍ଧଦେବ କ୍ଳବ ଆୟୋଜକରେ ଅନୁଷ୍ଠିତ ହୋଇଥିବା ୫ମ ରାଜ୍ୟସ୍ତରୀୟ ଫୁଟବଲ ଟୁର୍ଣ୍ଣାମେଣ୍ଟ ଚତୁର୍ଥ ଦିନର ଖେଳ ଅନୁଷ୍ଠିତ ହୋଇଯାଇଛି । ଚତୁର୍ଥ ଦିନର ଖେଳରେ କରମଚାନ୍ଦ ଫୁଟବଲ କ୍ଳବ ସୁନ୍ଦରଗଡ଼ ସହ ଏମବିବି ଫୁଟବଲ କ୍ଳବ ଖୋର୍ଦ୍ଧା ମଧ୍ୟରେ ସଂଘର୍ଷପୂର୍ଣ୍ଣ ଖେଳରେ ୪-୩ ଗୋଲରେ ସୁନ୍ଦରଗଡ଼ ବିଜୟୀ ହୋଇଥିଲା । ଖେଳକୁ ରେଫରୀ ଏ ପି ସାହୁ ପରିଚାଳନା କରିଥିବାବେଳେ ଲାଇନରେ ସୁଜିତ ରାଜହଂସ, ପ୍ରତାପ ପ୍ରଧାନ, ରଜତ ଖାରି ସହଯୋଗ କରିଥିଲେ । ପ୍ରଥମ ସେମିଫାଇନାଲ ଦିବସରେ ମୁଖ୍ୟଅତିଥି ଭାବେ ତିଲେଶ୍ୱର ପଂଚାୟତ ପୂର୍ବତନ ସରପଞ୍ଚ ତଥା ଆଡ଼ଭୋକେଡ ପ୍ରଶାନ୍ତ ପ୍ରଧାନ ଯୋଗ ଦେଇଥିଲେ । ଲୁଣିବାହାଲ ସରପଞ୍ଚ ରିପ୍ରେଜେଣ୍ଟିଭ ସୁବ୍ରତ ପ୍ରଧାନ, ବନ୍ଧାପଥର ସମିତି ତାରିଣୀ ବାରିକ, ପ୍ର୍ରଦୀପ କୁମାର ମହାନନ୍ଦ, ମଧୁସୂଦନପୁର ପ୍ରାଇମେରୀ ପ୍ରଧାନ ଶିକ୍ଷକ ସାନନ୍ଦ ମେହେର, ପ୍ରଗଳପୁର ଗ୍ରାମ୍ୟ ସଭାପତି ବାସୁଦେବ ପ୍ରଧାନ, ଏକ୍ସ ସରପଞ୍ଚ ନରେଶ କୁମାର ସେଠି ପ୍ରମୁଖ ଉପସ୍ଥିତ ଥିଲେ ।