ହରଭଙ୍ଗା,୧୯/୧:- ବୌଦ୍ଧ ଜିଲ୍ଲା ହରଭଙ୍ଗା ବ୍ଲକ ଦେଇ ଯାଇଥିବା ୫୭ନଂ ଜାତୀୟ ରାଜପଥ କରଡ଼ାକୋଠା ନିକଟରେ ବେଲୁନ ନାମକ ଏକ ଘରୋଇ ବସ ଦୁର୍ଘଟଣା ଗ୍ରସ୍ତ ହୋଇଥିବା ଜଣାପଡିଛି । ସୂଚନାମତେ ଏହି ବସଟି ଭୁବନେଶ୍ୱରରୁ ୪୦ଜଣ ଯାତ୍ରୀ ନେଇ ସୋନପୁର ଜିଲ୍ଲା ଉଲୁଣ୍ଡା ଅଭିମୁଖେ ଯାଉଥିବା ସମୟରେ କରଡ଼ାକୋଠା ଠାରେ ଭାରସାମ୍ୟ ହରାଇ ସେପ୍ଟି ସାଇଟଗାର୍ଡରେ ଧକ୍କା ଦେଇ ଡ୍ରେନ ଭିତରକୁ ଖସି ପଡିଥିଲା । ଏହି ଦୁର୍ଘଟଣାରେ ୪ଜଣ ଯାତ୍ରୀ ଆହତ ଥିବାବେଳେ ଆହତଯାତ୍ରୀଙ୍କୁ ପୁରୁଣାକଟକ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଚିକିତ୍ସା କରାଇ ଛାଡ଼ିଦେବା ସହିତ ଅନ୍ୟ ଯାତ୍ରୀମାନଙ୍କୁ ଏକ ବସ ଯୋଗେ ପଠାଯାଇଥିଲା ।