ବୌଦ୍ଧ/ହରଭଙ୍ଗା,୨୩/୧:- ବୌଦ୍ଧଜିଲ୍ଲା ହରଭଙ୍ଗା ବ୍ଲକ ପ୍ରଗଳପୁର ତସରା ଖେଳପଡିଆ ଠାରେ ବୁଦ୍ଧଦେବ କ୍ଳବ ଆୟୋଜକରେ ଅନୁଷ୍ଠିତ ହୋଇଥିବା ୫ମ ରାଜ୍ୟସ୍ତରୀୟ ଫୁଟବଲ ଟୁର୍ନାମେଣ୍ଟର ଆଜି ଦ୍ୱିତୀୟ ସେମିଫାଇନାଲ ଖେଳ ଅନୁଷ୍ଠିତ ହୋଇଯାଇଛି । ସେମିଫାଇନାଲରେ କରମଚାନ୍ଦ ଫୁଟବଲ କ୍ଳବ ସୁନ୍ଦରଗଡ଼ ସହିତ ୱାଇଏଫଏ ଫୁଟବଲ କ୍ଳବ କଳାହାଣ୍ଡି ମଧ୍ୟରେ ସଂଘର୍ଷପୂର୍ଣ୍ଣ ଖେଳରେ ୧-୦ଗୋଲରେ କଳାହାଣ୍ଡି ବିଜୟୀ ହୋଇ ଫାଇନାଲକୁ ପ୍ରବେଶ କରିଛି । ଖେଳକୁ ରେଫରୀ ସିଜିତ ରାଜହଂସ ପରିଚାଳନା କରିଥିଲେ । ଏହି ଦ୍ୱିତୀୟ ସେମି ଫାଇନାଲ ଦିବସରେ ମୁଖ୍ୟଅତିଥିଭାବେ ୮ନଂ ଜୋନ ଜିଲ୍ଲାପରିଷଦ ପ୍ରତିନିଧି ସୁଶାନ୍ତ ପ୍ରଧାନ, ସମ୍ମାନିତ ଅତିଥିଭାବେ ଶଙ୍କୁଲେଇ ସରପଞ୍ଚ ପ୍ରତିନିଧି ସତ୍ୟବାଦୀ ଚାଉଳିଆ, ପ୍ରଗଳପୁର ଗ୍ରାମ୍ୟ ସଭାପତି ବାସୁଦେବ ପ୍ରଧାନ, ସରପଞ୍ଚ ନରେଶ କୁମାର ସେଠୀ ପ୍ରମୁଖ ଯୋଗ ଦେଇଥିଲେ । ଆସନ୍ତାକାଲି ଫାଇନାଲ ଖେଳରେ କଳାହାଣ୍ଡିକୁ ଭେଟିବ ଝାରସୁଗୁଡା ବୋଲି ଆୟୋଜକଙ୍କ ସୂତ୍ରରୁ ପ୍ରକାଶ ।