ବୌଦ୍ଧ,୩/୭- ବୌଦ୍ଧଜିଲ୍ଲା ହରଭଙ୍ଗା ବ୍ଲକ ପୁରୁଣାକଟକ ବନାଞ୍ଚଳ ଓ ଚାରିଛକ ଦମକଳ କେନ୍ଦ୍ରର ମିଳିତ ସହୋଯୋଗରେ ଚାରିଛକ ଦମକଳ କେନ୍ଦ୍ର ଠାରେ ୭୨ ତମ ବନ ମହୋତ୍ସବ ପାଳିତ ହୋଇଯାଇଛି । ପୁରୁଣାକଟକ ବନାଞ୍ଚଳ ଅଧିକାରୀ ନିହାର ରଂଜନ ମଲ୍ଲିକଙ୍କ ସଭାପତିତ୍ୱରେ ଅନୁଷ୍ଠିତ କାର୍ଯ୍ୟକ୍ରମରେ ନୟାଗଡ ମହାନଦୀ ବନ୍ୟପ୍ରାଣୀ ବନଖଣ୍ଡର ଭାରପ୍ରାପ୍ତ ଅଧିକାରୀ ଶୁଭଦର୍ଶିନୀ ମହାନ୍ତି ମୁଖ୍ୟଅତିଥିଭାବେ ,ଚାରିଛକ ଦମକଳ ଅଧିକାରୀ ହରେକୃଷ୍ଣ ପାତ୍ର ସମ୍ମାନିତ ଅତିଥିଭାବେ ଯୋଗଦେଇଥିଲେ । ଏହି ଅବସରରେ କେନ୍ଦ୍ର ପରିସର ଭିତରେ ୨୦ ଗୋଟି ଚାରାରୋପଣ କରାଯାଇଥିଲା । ଚାରିଛକ ବନପାଳ, ବନରକ୍ଷୀଙ୍କ ସମେତ କୁଶଙ୍ଗ ମହାନଦୀ ବନ୍ୟପ୍ରାଣୀର ବନପାଳ ଏବଂ ଚାରିଛକ ଦମକଳ କେନ୍ଦ୍ରର ସମସ୍ତ କର୍ମକର୍ତ୍ତା ସହଯୋଗ କରିଥିଲେ ।