କଣ୍ଟାମାଳ,୭/୭- କଣ୍ଟାମାଳ ସମ୍ବାଦ ସାହିତ୍ୟଘର ଓ ବଉଲନାଟ ଏଣ୍ଡ କଲଚରାଲ ଏସୋସିଏସନ ପକ୍ଷରୁ ବନ ମହୋତ୍ସବ ସପ୍ତାହ ଅବସରରେ ବୃକ୍ଷରୋପଣ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଏ ଅବସରରେ ସାହିତ୍ୟଘର କଣ୍ଟାମାଳର ସଭାପତି ହରିହର ପ୍ରଧାନ ମୁଖ୍ୟଅତିଥି ଭାବେ ଯୋଗଦେଇ ବୃକ୍ଷରୋପଣ କରିବାସହ ବୃକ୍ଷରୋପ ର ମହାତ୍ମ୍ୟ ସମ୍ପର୍କରେ ଆଲୋକପାତ କରିଥିଲେ । ଅନ୍ୟମାନଙ୍କ ମଧ୍ୟରେ ବ୍ରାହ୍ମଣୀ ଗାଁର ଗଉଁତିଆ ତଥା ବରିଷ୍ଠ ନାଗରିକ କ୍ଷେତ୍ରବାସୀ ପ୍ରଧାନ, ସାହିତ୍ୟଘରର ଯୁଗ୍ମ ସଂପାଦକ ରଂଜୁ ଅମାତ ଯୋଗ ଦେଇଥିବାବେଳେ ବଉଲ ନାଟ ଏଣ୍ଡ କଲଚରାଲ ଏସୋସିଏସନର ସଭାପତି ଅର୍ଜୁନ ପ୍ରଧାନ, ସଂପାଦକ ନେପାଳ ପଲିଆ, ମହୋତ୍ସବ କମିଟିର ସଭାପତି ସୁକାନ୍ତ ପ୍ରଧାନ,ତତ୍ୱାବଧାରକ ଶିବ କମ୍ପ, ଆରତ କ୍ଷେତୀ, ଶରତ ପତ୍ର, କୁଶ ପ୍ରଧାନ, ଲବ ପ୍ରଧାନ, ସାମନ୍ତ ପ୍ରଧାନ, ଲିଙ୍ଗରାଜ କ୍ଷେତୀ, ବେଣୁଧର ପ୍ରଧାନ, ଚତୁର୍ଭୁଜ କର୍ଣ୍ଣ ପ୍ରମୁଖ ବୃକ୍ଷରୋପଣ କାର୍ଯ୍ୟକ୍ରମ ଯୋଗଦେଇ ୫୦ରୁ ଉର୍ଦ୍ଧ ଗଛ ଯଥା ଅଁଳା,କରଞ୍ଜ, ପଣସ, ବଉଲ, ରାଧାଚୁଡା , ଜମ୍ବୁ ଆଦି ମୂଲ୍ୟବାନ ଗଛଲଗାଇବା ସହ ଏହାର ଯତ୍ନନେବାକୁ ମଧ୍ୟ ସମସ୍ତେ ସଂକଳ୍ପ ନେଇଥିଲେ । ଏଭଳି ପବିତ୍ର କାର୍ଯ୍ୟକ୍ରମ ପାଇଁ ସମ୍ବାଦ ସାହିତ୍ୟଘର ଓ ବଉଲ ନାଟ ଏଣ୍ଡ କଲଚରାଲ ଏସୋସିଏସନକୁ ଅଞ୍ଚଳରେ ଖୁବ ପ୍ରଶଂସା କରାଯାଇଛି ।