ଭୁବନେଶ୍ୱର,(ହୀ.ପ୍ର):ଆଇପିଏସ ପ୍ରହଲ୍ଲାଦ ସହାୟ ମୀନାଙ୍କୁ ବୌଦ୍ଧ ଜିଲ୍ଲାର ନୂଆ ଏସପି ଭାବେ ନିଯୁକ୍ତ କରାଯାଇଛି । ସେହିପରି,କମିଶନରେଟ ପୁଲିସର ଡିସିପି କ୍ରାଇମ ଓପିଏସ୍ ପ୍ରମୋଦ କୁମାର ରଥଙ୍କୁ ଦେବଗଡ ଜିଲ୍ଲା ପୁଲିସ ଏସପି ଭାବେ ଅବସ୍ଥାପିତ କରାଯାଇଛି । ଏନେଇ ଆଜି ଗୃହ ବିଭାଗ ପକ୍ଷରୁ ବିଜ୍ଞପ୍ତି ଜାରି କରାଯାଇଛି । ପୁଲିସ ସେବାର ୬ଜଣ ବରିଷ୍ଠ ଅଫିସର ଏସପି ପାହ୍ୟାକୁ ପଦୋନ୍ନତି ପାଇଛନ୍ତି । ସ୍ପେଶାଲ ବ୍ରାଂଚ ଏସପି ଚିତ୍ତରଞ୍ଜନ ସାମନ୍ତଙ୍କୁ ଭୁବନେଶ୍ୱରସ୍ଥିତ କମ୍ପ୍ୟୁଟର ଏସପି ଭାବେ ବଦଳି କରାଯାଇଛି । ସେହିପରି ଏସପି ପାହ୍ୟାକୁ ପଦୋନ୍ନତି ପରେ ଓପିଏସ୍ ସୁଦାମ ଚରଣ ସାହୁଙ୍କୁ ପୁଲିସ କମିଶନରେଟରେ ଡିସିପି କ୍ରାଇମ,ଓପିଏସ୍ ସୟେଦ ମୁଜିବର ରହମାନଙ୍କୁ କଟକସ୍ଥିତ ଏସପି ସିଗନାଲ,ଓପିଏସ୍ କିଶୋର କୁମାର ପାଣିଗ୍ରାହୀଙ୍କୁ ଭୁବନେଶ୍ୱର ଏସଟିଏଫ୍ ଏସପି ଓ ଓପିଏସ୍ ଜ୍ଞାନ ରଞ୍ଜନ ମହାପାତ୍ରଙ୍କୁ ସ୍ପେଶାଲ ବ୍ରାଂଚ ଏସପି ଭାବେ ବଦଳି କରାଯାଇଛି । ସେହିପରି ମାଧୁରୀ ସାମଲ ଓ ସୁନୀଲ କୁମାର ଆଚାର୍ଯ୍ୟଙ୍କୁ ଏସପି ପାହ୍ୟାକୁ ପଦୋନ୍ନତି ମିଳିଥିଲେ ମଧ୍ୟ ସେମାନଙ୍କୁ ନିଜ ସ୍ଥାନରେ କାର୍ଯ୍ୟ କରିବାକୁ କୁହାଯାଇଛି ।