ଚମ୍ପୁଆ,୨୪/୭: ଚମ୍ପୁଆ ବ୍ଲକ ଭୂଇଁପୁର ଗ୍ରାମର ଶଶୀଭୂଷଣ ନାଏକ (୬୧) ଙ୍କ ବଜ୍ରାଘାତରେ ମୃତ୍ୟୁ ଘଟିଛି ।ଅନ୍ୟ ଜଣେ ରାଜେଶ କୁମାର ମହାନ୍ତ(୨୬) ବଜ୍ରାଘାତର ପ୍ରଭାବରେ ଆହତ ହୋଇଛନ୍ତି । ପ୍ରାପ୍ତ ସୂଚନା ଅନୁଯାୟୀ ସେମାନେ ଆଜି ପ୍ରାୟ ଦିନ ଦି ପ୍ରହର ବେଳା ଏକ ପାୱାର ଟ୍ରିଲର ଯୋଗେ ବିଲରେ ହଳ କରୁଥିଲେ । ଠିକ୍ ଏହି ସମୟରେ ବର୍ଷା ସହିତ ବଜ୍ରାଘାତ ହେବାରୁ ଜଣଙ୍କର ଘଟଣାସ୍ଥଳରେ ମୃତ୍ୟୁ ହୋଇଯାଇଥିବାବେଳେ ଅନ୍ୟ ଜଣେ ଆହତ ହୋଇଥିଲେ । ଆହତଙ୍କୁ ଚିକିତ୍ସା ପାଇଁ ଭଣ୍ଡା ଡାକ୍ତରଖାନାରେ ଭର୍ତ୍ତି କରାଯାଇଛି ।