ପାରାଦ୍ୱୀପ: ଲକ୍ଷାଧିକ ଟଙ୍କାର ବିଦେଶୀ ଜାହାଜର ସିଗାରେଟ୍ ଜବତ କରିଛି ପାରାଦ୍ୱୀପ ଆଦର୍ଶ ଥାନା । କଲିକତା ଯାଉଥିବା ସୁର୍ଯ୍ୟା ନାମକ ଏକ ଘରୋଇ ବସ ଜଗନ୍ନାଥ ମନ୍ଦିର ନିକଟରେ ଲୋଡିଂ କରାଯାଉଥିବା ବେଳେ ଧରିଛି ପାରାଦ୍ୱୀପ ଆଦର୍ଶ ଥାନା । ପାଖାପାଖି ୪୦ଟି ବଡ ପେଟିରେ ସିଲ୍ ହୋଇଥିବା ଏହି ସିଗାରେଟ୍ ବସ୍ ଲୋଡିଂ ହୋଇ କଲିକତା ପଠା ଯାଉଥିଲା । ପାରାଦ୍ୱୀପ ବନ୍ଦରରେ ଲାଗୁଥିବା ବିଦେଶୀ ଜାହାଜରୁ ଏଗୁଡିକୁ ଚୋରି କରି ଆଣି ବାହାର ରାଜ୍ୟରେ ବିକ୍ରୟ କରାଯାଉଥିଲା । ଏହି ସିଗାରେଟ୍ର ମୂଲ୍ୟ ପାଖାପାଖି ୩ ଲକ୍ଷ ଟଙ୍କା ହେବ ବୋଲି ଅନୁମାନ କରାଯାଉଛି । ବସ୍କୁ ଜବତ କରିବା ସହିତ ବସ୍ର ଡ଼୍ରାଇଭର, ହେଲପର ସମେତ ୪ ଜଣଙ୍କ ଅଟକ ରଖିଛି ପାରାଦ୍ୱୀପ ପୋଲିସ ।