ଦଶପଲ୍ଲା ୧୧।୧୨: ଦଶପଲ୍ଲା ବ୍ଲକ୍ ଟାକରା ବଜାରରେ ଗତକାଲି ଅପରାହ୍ନ ସମୟରେ ଏକ ପାଗଳ କୁକୁର ଅତର୍କିତ ଭାବରେ ବଜାର ମଧ୍ୟରେ ପଶି ଲୋକଙ୍କୁ ଗୋଡାଇ ଗୋଡାଇ କାମୁଡି କ୍ଷତ ବିକ୍ଷତ କରିଥିଲା । ସୂଚନା ଅନୁସାରେ ୬ ଜଣ ଲୋକ ଏହି ପାଗଳ କୁକୁର କାମୁଡ଼ାରେ ଆହତ ହେଇଥିବା ବେଳେ, ୫ରୁ ଉର୍ଦ୍ଧ୍ବ ଗାଇ, ବଳଦଙ୍କୁ ମଧ୍ୟ କାମୁଡ଼ିଥିବାର ସୂଚନା ମିଳିଛି । ପରବର୍ତ୍ତୀ ସମୟରେ ଆଉ କିଛି ଲୋକଙ୍କୁ କାମୁଡ଼ିବାକୁ ଗୋଡ଼େଇଥିବା ବେଳେ ଲୋକମାନେ ସେଠାରୁ ଖସି ପଳାଇଥିଲେ । ପରବର୍ତ୍ତୀ ସମୟରେ ସ୍ଥାନୀୟ ଯୁବକମାନଙ୍କ ଉଦ୍ୟମରେ ପାଗଳ କୁକୁରକୁ କାବୁ କରାଯାଇଥିଲା । ଆହତ ବ୍ୟକ୍ତିମାନେ ଗରିବ ଶ୍ରେଣୀର ଲୋକ ହୋଇଥିବାରୁ, ତାଙ୍କୁ ଟାକରା ଡାକ୍ତରଖାନା ମାଧ୍ୟମରେ ପ୍ରତିଷେଧକ ଇଂଜେକସନ ଦେବା ପାଇଁ ସାଧାରଣରେ ଦାବି ହେଉଛି ।