ବାଲିଗୁଡ଼ା/ଦାରିଙ୍ଗବାଡ଼ି,୧୦/୮: ଦୀର୍ଘ ଦିନ ପରେ ଖୋଲିଲା ସ୍କୁଲ୍ ହେଲେ ପାଠ ଆରମ୍ଭରୁ ପୁଣି ବାଟ ଓଗାଳିଲା ମହାମାରୀ କରୋନା । କନ୍ଧମାଳ ଜିଲ୍ଲା ଦାରିଙ୍ଗବାଡ଼ି ସରକାରୀ ବାଳିକା ଆଶ୍ରମ ବିଦ୍ୟାଳୟରେ ଦେଖିବାକୁ ମିଳିଛି ଏଭଳି ଘଟଣା । ବିଦ୍ୟାଳୟର ଜଣେ ଛାତ୍ରୀଙ୍କ ପଜିଟିଭ୍ ଚିହ୍ନଟ ପରେ ପ୍ରଶାସନ ପକ୍ଷରୁ ପଦକ୍ଷେପ ନିଆଯାଇଛି । ବିଦ୍ୟାଳୟକୁ କଣ୍ଟେନମେଣ୍ଟ ଯୋନ୍ ଘୋଷଣା କରାଯିବାସହ ସମସ୍ତ ଛାତ୍ରୀ ଆଇସୋଲେସନରେ ଅଛନ୍ତି । ସମସ୍ତ ଛାତ୍ରୀଙ୍କ ସ୍ୱାସ୍ଥ୍ୟବସ୍ଥା ଭଲ ଥିବା ସୂଚନା ଦେଇଛନ୍ତି ବିଦ୍ୟାଳୟର ପ୍ରଧାନ ଶିକ୍ଷକ ମୁକେଶ ଦୁଗଲ ।