ଦାରିଙ୍ଗବାଡ଼ି : କନ୍ଧମାଳ ଜିଲ୍ଲା ଦାରିଙ୍ଗବାଡ଼ି ଥାନା ଅଧିକାରୀ କୌଶିକ ମାଝୀଙ୍କ ତତ୍ତ୍ୱାବଧାନରେ ଶ୍ରାନିକେତା ପଞ୍ଚାୟତର ସୁଲୁମାହା ଗ୍ରାମରେ ମାସ୍କ ବଣ୍ଟନ କରାଯାଇଛି । ଦିନକୁଦିନ ରାଜ୍ୟରେ ସଂକ୍ରମିତଙ୍କ ସଂଖ୍ୟା ବଢ଼ିବାରେ ଲାଗିଛି । ମହାମାରୀ କରୋନା ଭୁତାଣୁର ମୁକାବିଲା କରିବା ପାଇଁ ଜନସାଧାରଣଙ୍କୁ ପୋଲିସ୍ ପକ୍ଷରୁ ସଚେତନ କରାଯାଉଛି । ଏଥି ସହିତ ସୁଲୁମାହା ଗ୍ରାମର ୪ଶହରୁ ଉର୍ଦ୍ଧ୍ୱ ଲୋକଙ୍କୁ ଦାରିଙ୍ଗବାଡି ପୋଲିସ୍ ପକ୍ଷରୁ ମାସ୍କ ବଣ୍ଟନ କରାଯାଇଛି l ଗ୍ରାମବାସୀ ମାନେ ସରକାରଙ୍କ ସାମାଜିକ ଦୂରତ୍ୱ ନିୟମମାନି ଚଳୁଥିବାସହ ଲକ୍ ଡାଉନ୍ ନିୟମକୁ ମଧ୍ୟ ପାଳନ କରୁଥିବା କହିଛନ୍ତି l ଅନ୍ୟପଟେ ବର୍ତ୍ତମାନ ପରିସ୍ଥିତିରେ ପରସ୍ପର ନିକଟରୁ ସାମାଜିକ ଦୂରତା ବଜାୟ ରଖିବାସହ ମାସ୍କ ପିନ୍ଧିବା ଅତ୍ୟନ୍ତ ଜରୁରୀ ଓ ବାରମ୍ବାର ସାବୁନ୍ ରେ ହାତ ଭଲଭାବରେ ଧୋଇବା ଓ ସଫାସୁତୁରା ରହିବା ନିହାତି ଆବଶ୍ୟକ ବୋଲି ପରାମର୍ଶ ଦେଇଛନ୍ତି ଥାନା ଅଧିକାରୀ କୌଶିକ ମାଝୀ । ଥାନା ଅଧିକାରୀଙ୍କ ସମେତ ଏହି କାର୍ଯ୍ୟକ୍ରମରେ ଯୁବ ସମାଜସେବୀ କାଳୀ ପ୍ରସାଦ ମଲ୍ଲିକ, ସନ୍ତୋଷ ଦିଗାଲ ପ୍ରମୁଖ ସହଯୋଗ କରିଥିଲେ ।