ଚଣ୍ଡିଖୋଲ : ଦର୍ପଣ ତହସିଲ ଅଞ୍ଚଳରେ ପୁଣି ସକ୍ରିୟ ମାଫିଆ । ବେଆଇନ ଭାବେ ମାଙ୍କଡ଼ା ପଥର ଖନନ କରିବାର ଦୁଃସାହସ ଦେଖାଇବା ମହଙ୍ଗା ପଡ଼ିଲା । ମାଙ୍କଡ଼ା ପଥର ମାଫିଆଙ୍କ ଦ୍ୱାରା ବୈରୀ ମୌଜାରେ ବେଆଇନ ଖନନ ଓ ପରିବହନ ଚାଲୁଥିବା ନେଇ କୌଣସି ସୂତ୍ରରୁ ଖବର ପାଇ ଦର୍ପଣ ତହସିଲଦାର ପ୍ରଦୀପ କୁମାର ସେଠୀ ଓ ଅତିରିକ୍ତ ତହସିଲଦାର ନିରଞ୍ଜନ ଗୁରୁ ପୋଲିସ ଫୋର୍ସ ସହିତ ଶନିବାର ଚଢାଉ କରି ପାଞ୍ଚଗୋଟି ଟ୍ରକ ପଥର ବୋଝେଇ ଏବଂ ୩ ଗୋଟି ଖାଲି ଟ୍ରକ ସହ ଏକ ଜେସିବି ମେସିନ ଜବତ କରିଥିଲେ । ଉକ୍ତ ଜବତ ଗାଡ଼ି ଗୁଡିକ ଉପରୁ ଦୁଇ ଲକ୍ଷ ପଚାଶ ହଜାର ଟଙ୍କାର ଜରିମାନା ଅସୁଲ କରାଯାଇଥିବା ସୂଚନା ରହିଛି । ସେହିପରି ଦର୍ପଣ ତହସିଲ କାର୍ଯ୍ୟାଳୟ ପକ୍ଷରୁ ଏ ଭଳି ଦୁଢ ପଦକ୍ଷପ ନେଉଥିବା ବେଳେ ନିକଟରେ ଥିବା ବୈରୀ ଥାନା ପୋଲିସ ତେବେ ସେଠାରେ କଣ କରୁଛି ବୋଲି ସାଧାରଣରେ ପ୍ରଶ୍ନବାଚୀ ସୃଷ୍ଟି କରିଛି । ଏଭଳି ଦୁଢ କାର୍ଯ୍ୟଶୈଳୀ ପଦକ୍ଷପ ପାଇଁ ତହସିଲଦାର ପ୍ରଦୀପ କୁମାର ସେଠୀ ଅତିରିକ୍ତ ତହସିଲଦାର ନିରଞ୍ଜନ ଗୁରୁଙ୍କୁ ବିଭିନ୍ନ ମହଲରେ ପ୍ରଶଂସା କରାଯାଉଛି ।ସେଠୀ ଅତିରିକ୍ତ ତହସିଲଦାର ନିରଞ୍ଜନ ଗୁରୁଙ୍କୁ ବିଭିନ୍ନ ମହଲରେ ପ୍ରଶଂସା କରାଯାଉଛି ।