ଦଶପଲ୍ଲା,୨୭/୧୧ : – ସ୍ୱଚ୍ଛତା ହିଁ ସେବା ଏଥିରେ ଅନୁପ୍ରାଣିତ ହୋଇ ଦଶପଲ୍ଲା ବ୍ଲକ ଦେଢ଼ସର୍ ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟର ସ୍କାଉଟ ଓ ସବୁଜ ବାହିନୀ ଛାତ୍ରଛାତ୍ରୀ ମାନଙ୍କ ପକ୍ଷରୁ ଆରମ୍ଭ ହୋଇଛି ସଫେଇ କାର୍ଯ୍ୟକ୍ରମ । ଆଜି ବିଦ୍ୟାଳୟର ସ୍କାଉଟ୍ ଓ ସବୁଜ ବାହିନୀ ଛାତ୍ରଛାତ୍ରୀ ମାନେ ବିଦ୍ୟାଳୟର ଚତୁଃପାର୍ଶ୍ୱ ସଫେଇ କରିଥିଲେ । ଏହି କାର୍ଯ୍ୟକ୍ରମରେ ବିଦ୍ୟାଳୟର ପ୍ରଧାନ ଶିକ୍ଷକ ଶ୍ୱେତ କୁମାର ମହାକୁଡ଼ ଯୋଗ ଦେଇ ଛାତ୍ରଛାତ୍ରୀ ମାନେ ପାଠପଢା ସହ ନିଜକୁ ସେବା ମନୋଭାବରେ ଅନୁପ୍ରାଣିତ କରି ସେବାକୁ ନିଜର ଧର୍ମ ଓ କର୍ମ ଭାବେ ଗଢି ତୋଳିବାକୁ ଆହ୍ୱାନ ଦେଇଥିଲେ । ଏହି କାର୍ଯ୍ୟକ୍ରମକୁ ସ୍କାଉଟ ଶିକ୍ଷକ ଆଲୋକ ସେନାପତି ସୁଚାରୁରୂପେ ସମ୍ପାଦନ କରି ଛାତ୍ରଛାତ୍ରୀଙ୍କ ସହ ସଫେଇ କାର୍ଯ୍ୟରେ ନିଜକୁ ନିୟୋଜିତ କରିଥିଲେ । ଆଗାମୀ ଦିନରେ କେବଳ ବିଦ୍ୟାଳୟ ନୁହେଁ ଲୋକଙ୍କ ମଧ୍ୟରେ ସଚେତନ ପାଇଁ ବିଭିନ୍ନ ସମୟରେ ଗାଁକୁ ଗାଁ ବୁଲି ସ୍ୱଚ୍ଛତା ହିଁ ସେବା ସମ୍ପର୍କରେ କାର୍ଯ୍ୟକ୍ରମ କରାଯିବ ବୋଲି ସ୍କାଉଟ ଶିକ୍ଷକ ଶ୍ରୀ ସେନାପତି ପ୍ରକାଶ କରିଛନ୍ତି ।