ଦଶପଲ୍ଲା,୭/୫ – ନୟାଗଡ଼ ଜିଲ୍ଲାରେ ଦିନକୁଦିନ କରୋନା ତାର କାୟା ବିସ୍ତାର କରିଚାଲିଛି । ପ୍ରତିଦିନ ଆକ୍ରାନ୍ତ ଓ ମୃତ୍ୟୁ ସଂଖ୍ୟା, ବଢି ଚାଲିଥିବାବେଳେ ଗତକାଲି ନୟାଗଡ ଜିଲ୍ଲା କୃଷି ଅଧିକାରୀ ବସନ୍ତ ପଟ୍ଟନାୟକଙ୍କର କରୋନାରେ ମୃତ୍ୟୁ ଘଟିଛି । କିଛିଦିନ ପୂର୍ବରୁ ସେ କରୋନାରେ ସଂକ୍ରମିତ ହୋଇଥିଲେ । ହେଲେ କରୋନା ଲଢେଇରେ ସେ ହାରିଯାଇଛନ୍ତି । ଚିକିତ୍ସାଧୀନ ଅବସ୍ଥାରେ ତାଙ୍କର ମୃତ୍ୟୁ ହୋଇଛି । କୋଭିଡ୍ ଦ୍ୱିତୀୟ ଲହର ଭୟଙ୍କର ରୂପ ଧାରଣ କରିଥିବାବେଳେ, ନୟାଗଡ଼ ଜିଲ୍ଲାରେ ଦିନକୁ ଦିନ ସଂକ୍ରମଣ ବଢ଼ି ଚାଲିଛି । ବର୍ତ୍ତମାନ ଜିଲ୍ଲାରେ ଆକ୍ଟିଭ କେସ୍ ୯ହଜାର ପାର ହୋଇସାରିଛି । ସେହିପରି କରୋନା ସଂକ୍ରମଣ ଆଧାରରେ ନୟାଗଡ ଜିଲ୍ଲା ଏବେ ରେଡ୍ଜୋନ୍ରେ ରହିଛି । କରୋନା ଦ୍ୱିତୀୟ ଲହର ଆରମ୍ଭରୁ ଜିଲ୍ଲାରେ ଜୈନିକ ପଜିଟିଭ୍ ସଂଖ୍ୟା ୨ରୁ ୩ ମଧ୍ୟରେ ସୀମିତ ରହୁଥିଲା । କିନ୍ତୁ ଏପ୍ରିଲ ଦ୍ୱିତୀୟ ସପ୍ତାହ ବେଳକୁ ତାହା ୩ଅଙ୍କ ଛୁଇଁଥିବାବେଳେ ଚଳିତ ମେ’ମାସ ପ୍ରଥମରୁ ଜୈନିିକ ସଂକ୍ରମଣ ସଂଖ୍ୟା ୨ଶହରୁ ଅଧିକ ଦେଖାଯାଉଛି ।