ଦଶପଲ୍ଲା,୧୦/୧୧ : – ଆକ୍ସନମୋଡ୍ରେ ଦଶପଲ୍ଲା ବନାଞ୍ଚଳ ଅଧିକାରୀ ନିଖିଲେଶ୍ ମଲ୍ଲିକ । କାଠ ମାଫିଆଙ୍କ ମୂଳୋତ୍ପାଟନ ପାଇଁ ନେଉଛନ୍ତି କଠୋର ପଦକ୍ଷେପ । ଏକ ସପ୍ତାହ ମଧ୍ୟରେ ପାଇଛନ୍ତି ଆଖିଦୃଶିଆ ସଫଳତା । କାଠମାଫିଆଙ୍କ ମନରେ ହୃଦକମ୍ପ ସୃଷ୍ଟି କରିଥିବା , ଦଶପଲ୍ଲା ବନାଞ୍ଚଳ ଅଧିକାରୀ ନିଖିଲ୍ଲେଶ ମଲ୍ଲିକଙ୍କ ପ୍ରତ୍ୟକ୍ଷ ତତ୍ତ୍ୱାବଧାନରେ ପୁଣି ଆଜି ଭୋର୍ ସମୟରେ କୌଣସି ସୂତ୍ରରୁ ଖବରପାଇ ବନବିଭାଗ ସ୍କ୍ୱାର୍ଡ ଏକ ପିକ୍ଅପ୍ ଭ୍ୟାନକୁ ପିଛା କରି ଚକ୍ରଧରପୁର ଠାରେ ଚଢାଉ କରି ୧୯ ଟି ଶାଳ ଲଗ୍ ସହିତ ପିକଅପ୍ ଭ୍ୟାନ ଜବତ କରିଛି । ପିକଅପ୍ ଭ୍ୟାନ ନମ୍ବର ହେଉଛି ଓଆର୦୨ଏଠ୬୮୬୬ହୋଇଥିବା ବେଳେ ଘଟଣାରେ ସଂପୃକ୍ତ କଟକ ଜିଲ୍ଲା, ନରସିଂହପୁର ଅଂଚଳର ,ପ୍ରଦୀପ କୁମାର ବେହେରା ( କେସ୍ ନଂ ୩୦/୨୦୨୨ ) କୁ କୋର୍ଟଚାଲାଣ କରିଛି । ଜବତ୍ ଶାଳ ଲଗ୍ର ମୂଲ୍ୟ ଆନୁମାନିକ ପଚାଶ ହଜାର ଟଙ୍କା ହେବ ବୋଲି ବନାଞ୍ଚଳ ଅଧିକାରୀ ନିଖିଲେଶ ମଲ୍ଲିକ ସୂଚନା ଦେଇଛନ୍ତି ।