ଦଶପଲ୍ଲା,୨୩/୭ – ଦଶପଲ୍ଲା ବ୍ଲକ୍ ଅନ୍ତର୍ଗତ ତେଣ୍ଡାବାଡି ଗ୍ରାମପଞ୍ଚାୟତ ଅନ୍ତର୍ଗତ ଗୁଣ୍ଠାପାଜୁ ଗ୍ରାମ ନିକଟ ରେ ମା” ବ୍ୟାଘ୍ର ଦେବୀ ଠାକୁରାଣୀ ଙ୍କ ମନ୍ଦିର ରହିଛି । ମା” ଙ୍କର ମହିମା ଏହି ଅଞ୍ଚଳ ରେ ବେଶ୍ ପ୍ରସିଦ୍ଧ । ପ୍ରତ୍ୟେକ ବର୍ଷ ଏହି ପୀଠରେ ଅଞ୍ଚଳବାସୀଙ୍କ ଉଦ୍ୟମରେ ବହୁ ପର୍ବପର୍ବାଣି ବେଶ୍ ଯାକଯମକରେ ପାଳନ କରାଯାଇଥାଏ । ହେଲେ ଦୀର୍ଘଦିନ ପୂର୍ବରୁ ମା ଙ୍କ ପାଇଁ ଭଲ ମନ୍ଦିର ଟିଏ ନଥିଲା । ମା ପୂଜା ପାଉଥିଲେ ଭଙ୍ଗା ଘରେ କିନ୍ତୁ ନିର୍ବାଚନ ବେଳେ ବହୁ ନେତା ମନ୍ତ୍ରୀ ଆସି ମା ଙ୍କ ନିକଟ ରେ ନିର୍ବାଚନୀ ଭିକ୍ଷା କରିଥାନ୍ତି ।। ନିର୍ବାଚନରେ ବିଜୟ ପାଇଲା ପରେ ମା ଭଙ୍ଗା ଘରେ ରହୁଥିବା କଥା ଭୁଲି ଯାଇଥାନ୍ତି । କିନ୍ତୁ ବର୍ତ୍ତମାନ ର ଦଶପଲ୍ଲା ବିଧାୟକ ଶ୍ରୀଯୁକ୍ତ ରମେଶ ଚନ୍ଦ୍ର ବେହେରା ଓ ଦଶପଲ୍ଲା ପଞ୍ଚାୟତ ସମିତି ର ପୂର୍ବତନ ଅଧକ୍ଷ ତଥା ଉଦ୍ୟମୀ ନେତା ଉପେନ୍ଦ୍ର ସାହୁଙ୍କ ଅନୁରୋଧ କ୍ରମେ ମା ଙ୍କ ପୀଠ ରେ ଏକ ନୂତନ ମନ୍ଦିର ନିର୍ମାଣ କରାଯାଇଛି । ହେଲେ ବିଡମ୍ବନାର ବିଷୟ , କୈଣସି କାରଣ ବଶତଃ ଦଧିନଉତିଟି ନିର୍ମାଣ ହୋଇପାରି ନଥିଲା । ମାନ୍ୟବର ବିଧାୟକ ଶ୍ରୀ ବେହେରା ନିଜେ ମା ଙ୍କ ପୀଠକୁ ଆସି ମା ଙ୍କ ଦର୍ଶନ କରିବା ସହ ମନ୍ଦିର ପରିସର ବୁଲି ଦେଖିଥିଲେ ଏବଂ ମା ଙ୍କ ମନ୍ଦିରର ଦଧିନଉତି ନିର୍ମାଣ ଏବଂ ଆନୁଷଙ୍ଗିକ କାର୍ଯ୍ୟ ଯଥାଶୀଘ୍ର ଶେଷ କରାଯିବ ବୋଲି କହିଥିଲେ ।