ଦଶପଲ୍ଲା,୨୯/୬ : – ଦଶପଲ୍ଲା ବିଧାୟକ ତଥା ନୟାଗଡ଼ ଜିଲ୍ଲା ବିଜେଡି ସଭାପତି ରମେଶ ଚନ୍ଦ୍ର ବେହେରାଙ୍କ ପିତୃ ବିୟୋଗ ଘଟିଛି । ପ୍ରାପ୍ତ ସୂଚନା ଅନୁସାରେ ବିଧାୟକ ରମେଶ ଚନ୍ଦ୍ର ବେହେରାଙ୍କ ପିତା ସଂପୂର୍ଣ୍ଣ ସୁସ୍ଥଥିବା ବେଳେ ହଠାତ ହୃଦଘାତ ଯୋଗୁଁ ଆକସ୍ମିକ ଭାବରେ ମୃତ୍ୟୁବରଣ କରିଥିଲେ । ଶ୍ରୀ ବେହେରା ନିର୍ବଚନ ମଣ୍ଡଳୀର ଏକ ମନ୍ଦିର ପ୍ରତିଷ୍ଠା କାମରେ ଉପସ୍ଥିତ ଥିବାବେଳେ, ଏ ଦୁଃଖଦ ଖବର ପାଇ ଘରେ ପହଞ୍ଚିଥିଲେ । ଏହି ଖବର ଶୁଣି ଦଶପଲ୍ଲା ଅଂଚଳର ବହୁ ଦଳୀୟ କର୍ମୀ ବିଧାୟକଙ୍କ ଘରେ ପହଞ୍ଚି ଦିବଙ୍ଗତଙ୍କ ଅନ୍ତିମ ଦର୍ଶନ କରିବା ସହିତ ଶେଷକୃତ୍ୟରେ ଉପସ୍ଥିତ ରହିଥିଲେ ।