ଦଶପଲ୍ଲା,୧୩/୬ – ଓଡିଶା ଡ଼୍ରାଇଭର୍ ମହାସଂଘ ନୟାଗଡ଼, ବାଣିଗୋଛା ଶାଖା ତରଫରୁ ଆଜି ୫୭ ନଂ ଜାତୀୟ ରାଜପଥ ବାଣିଗୋଛା ଠାରେ ଏକ ପଥପ୍ରାନ୍ତ ମାସ୍କ ବଣ୍ଟନ ଓ ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ଏହି କାର୍ଯ୍ୟକ୍ରମକୁ ବାଣିଗୋଛା ଥାନା ଏଏସ୍ଆଇ ପ୍ରଭାତ କୁମାର ସୁବୁଦ୍ଧି ଆନୁଷ୍ଠାନିକ ଭାବରେ ଉଦଘାଟନ କରିଥିଲେ । ଏହି କାର୍ଯ୍ୟକ୍ରମରେ ସମ୍ମାନିତ ଅତିଥି ଭାବରେ ଦଶପଲ୍ଲା ପଂଚାୟତ ସମିତି ଉପାଧ୍ୟକ୍ଷ ବସନ୍ତ କୁମାର ସାହୁ ଯୋଗଦେଇ ଡ୍ରାଇଭର ମହାସଂଘର ଏହି କାର୍ଯ୍ୟକୁ ପ୍ରଶଂସା କରିଥିଲେ । ଓଡିଶା ଡ୍ରାଇଭର ମହାସଂଘ ନୟାଗଡ଼ ଶାଖାର ସଭାପତି ପାଣୁଚରଣ ସ୍ୱାଇଁ, ସଂପାଦକ ସନ୍ତୋଷ ସାଥୁଆଙ୍କ ସମେତ ବାଣିଗୋଛା ଶାଖାର ଉତ୍ସାହୀ ସଦସ୍ୟ ସୁରେଶ ସାହୁ, ଶାନ୍ତନୁ ନାଏକ ଓ ସହଯୋଗୀମାନେ ଏହି କାର୍ଯ୍ୟକ୍ରମକୁ ପରିଚାଳନା କରିଥିଲେ । ଏଥିସହିତ ରଣପୁର ବ୍ଲକର ସଭାପତି ସହଦେବ ସ୍ୱାଇ ଗଭର୍ଣ୍ଣିଂ୍ ବଡି ସଭ୍ୟ ଅବକାଶ କାଠୁଆ ଓ ଖଣ୍ଡପଡାବ୍ଲକ୍ ସଦସ୍ୟ ଦଣ୍ଡପାଣି ସାହୁ, ଦୀଲ୍ଲିପ ପରିଡା, ହାଡିବନ୍ଧୁ ରାଉତ ଓ ନୂଆଗାଁ ବ୍ଲକର ସୁରେଶ ସ୍ୱାଇଁ ପ୍ରମୁଖ ଏହି ସଚେତନତା କାର୍ଯ୍ୟକ୍ରମ କୁ ସଫଳ ରୂପାୟନ କରିଥିଲେ । ଏହି ସଚେତନତା କାର୍ଯ୍ୟକ୍ରମରେ ଶତାଧିକ ଗାଡି ଡ୍ରାଇଭର ମାନଙ୍କୁ ମାସ୍କ, ସାନିଟାଇଜର୍, ସାବୁନ୍ ଇତ୍ୟାଦି ବଣ୍ଟନ କରାଯାଇଥିଲା ।