ଦଶପଲ୍ଲା ,୧/୭:- ନୟାଗଡ଼ ଜିଲ୍ଲା ଦଶପଲ୍ଲା ବ୍ଲକ୍, ଭୋଗବାଡି ଗ୍ରାମ ପଂଚାୟତ ଅନ୍ତର୍ଗତ, ପିପଲପଦର ହରିଜନ ସାହିରେ ଗତକାଲି ବିଦ୍ୟୁତ୍ ସର୍ଟସର୍କିଟ ଯୋଗୁଁ ଅଗ୍ନିକାଣ୍ଡ ଘଟି ୬ ଗୋଟି ଗରିବ ହରିଜନ ପରିବାରର ୬ ବଖରା ଘର ପୋଡିଯିବା ସଙ୍ଗେସଙ୍ଗେ ସମସ୍ତ ନିତ୍ୟ ବ୍ୟବହାର୍ଯ୍ୟ ସାଜସରଂଜାମ ଓ ସମସ୍ତ ସଂଚିତ ଖାଦ୍ୟଦ୍ରବ୍ୟ ପୋଡିି ପାଉଁଶ ହୋଇଯାଇଛି । ଏହି ଗରିବ, ନିରୀହ ହରିଜନ ପରିବାର ଶୂନ୍ୟ ଆଶ୍ରୟ ହୋଇଯାଇଥିବା ବେଳେ, ଆଜି ସହାୟତାର ହାତ ବଢାଇଛନ୍ତି ଦଶପଲ୍ଲା ବ୍ଲକ୍ ଅଧ୍ୟକ୍ଷା ସୁନନ୍ଦା ସାହୁ ଓ ଉପାଧ୍ୟକ୍ଷ ବସନ୍ତ କୁମାର ସାହୁ । ଆଜି ଦିବା ୧୧ ଘଟିକା ସମୟରେ ଅଧ୍ୟକ୍ଷା ଓ ଉପାଧ୍ୟକ୍ଷ ପିପଲ ପଦର ଅଗ୍ନିବିପନ୍ନ ପରିବାରଙ୍କ ନିକଟରେ ପହଞ୍ଚି , ପ୍ରତି ପରିବାରକୁ ସମବେଦନା ଜଣାଇବା ସଂଗେ ସଂଗେ ସହାୟତା ସ୍ୱରୂପ ୨୫ କେଜି ଚାଉଳ,ଚୂଡା, ଡାଲି, ଆଳୁ ଓ ଅନ୍ୟାନ୍ୟ ରାସନ୍ ସାମଗ୍ରୀ ପ୍ରଦାନ କରିଥିଲେ । ଦଶପଲ୍ଲା ତହସିଲଦାର ଅକ୍ଷୟ କୁମାର ଖେମୁଣ୍ଡୁ ସରକାରୀ କାର୍ଯ୍ୟରେ ବ୍ୟସ୍ତ ଥିବାରୁ ତାଙ୍କ ପ୍ରତିନିଧିଙ୍କ ମାଧ୍ୟମରେ ପ୍ରଶାସନ ତରଫରୁ ଅଗ୍ନିବିପନ୍ନଙ୍କ ପାଇଁ ପଲିଥିନ ପ୍ରଦାନ କରିଥିଲେ ।