ଗଣିଆ,୧୧/୭- ନୟାଗଡ ଜିଲ୍ଲା ଗଣିଆ ବ୍ଲକ ଅନ୍ତର୍ଗତ ରାସଙ୍ଗ ପଞ୍ଚାୟତ ର ଓସ୍ତିଆ ଗ୍ରାମର ବିଦ୍ୟାର୍ଥୀ ଓ କ୍ଲବର ସଦସ୍ୟଙ୍କୁ ନେଇ ବିଦ୍ୟାର୍ଥୀ ଦିବସର ପାଳନ ଅବସରରେ ଗ୍ରାମରୁ ସ୍କୁଲକୁ ଯାଇଥିବା ମୁଖ୍ୟ ରାସ୍ତାର ଦୁଇ ପାର୍ଶ୍ୱରେ ବିଭିନ୍ନ ପ୍ରକାରର ଫଳ,ଫୁଲ ଗଛ ସହିତ ଉପକାରୀ ଗଛ ଲଗାଇଥିଲେ । ଏହି ବୃକ୍ଷ ରୋପଣ କାର୍ଯ୍ୟକ୍ରମରେ ଗ୍ରାମ ରେ ଥିବା ମା ଦକ୍ଷିଣ କାଳି ଯୁବକ ସଂଘ ର ଉପସଭାପତି ଅଖିଳ କୁମାର ସାହୁ, ସମ୍ପାଦକ ଶୁଭାଶିଷ ମିଶ୍ର, ସୁଶାନ୍ତ ସେଠି ଙ୍କ ସହିତ ଗ୍ରାମର ବିଦ୍ୟାର୍ଥୀ ଯୋଗଦେଇ ୨୦ଟି ଗଛ ଲଗାଇଥିଲେ । ପଣସ,ଆମ୍ବ,ଜାମୁ,ଅଁଳା,ବର,ଓସ୍ତ,ଲିମ୍ବ,କୃଷ୍ଣଚୂଡ଼ା ଭଳି ଗଛ ଲଗାଇଥିଲେ । ଗଛ ର ସୁରକ୍ଷା ପାଇଁ ଗୋଡ଼ାରେ ଆବଦ୍ଧ କରିବା ସହିତ ସମସ୍ତ ଯୁବପିଢ଼ିଙ୍କୁ ଗଛ ଲଗାଇ ପରିବେଶକୁ ସୁସ୍ଥ ଓ ସବୁଜମୟ କରିବାର ଶପଥ ଗ୍ରହଣ କରିବା ପାଇଁ ଅନୁରୋଧ କରିଥିଲେ । ବର୍ତ୍ତମାନ ପରିସ୍ଥିତିକୁ ଆଖିଆଗରେ ରଖି ଆଗାମୀ ସମୟରେ ଅମ୍ଳଜାନ ଅଭାବକୁ ଦୂର କରିବା ପାଇଁ ପ୍ରତ୍ୟେକେ ଗଛ ଲଗାଇ ଯତ୍ନ ନେବା ନିତ୍ୟାନ୍ତ ଆବଶ୍ୟକ ବୋଲି କହିଥିଲେ ।