ଦଶପଲ୍ଲା : ଦଶପଲ୍ଲା ସହର ସନ୍ନିକଟ ଅନ୍ଧାରକୋଟ ଗୋବର୍ଦ୍ଧନପୁର ରାସ୍ତାର ପଥୁରିଆଠାରେ ଏକ ବିରାଟ ଆମ୍ବ ଗଛ ଉପୁଡି ପଡିବାରୁ ପଥୁରିଆ ଗୋବର୍ଦ୍ଧନପୁର ରାସ୍ତା ଅବରୋଧ ହୋଇରହିଥିଲା । ଏହା ଫଳରେ ୩ ଘଣ୍ଟା ଯାଏଁ ରାସ୍ତା ଅବରୋଧ ହୋଇଥିଲା । ସୂଚନା ଯେ, ଆମ୍ବ ଗଛଟି ବହୁ ପୁରାତନ ହୋଇଥିବା ବେଳେ ଗତ ଲଗାଣ ବର୍ଷାରେ ଗଛ ଚାରିପଟ ମାଟି ଧସି ଯିବାରୁ ଗଛଟି ଉପୁଡି ପଡି ଥିଲା । ରାସ୍ତା ଉପରେ ଗଛଟି ପଡିବାରୁ ବହୁ ସମୟ ଧରି ରାସ୍ତାରେ ଯାତାୟତ ବ୍ୟାହତ ହୋଇଥିଲା । ଖବର ପାଇ ଦଶପଲ୍ଲା ଅଗ୍ନି ସେବା କର୍ମଚାରୀ ମାନେ ଘଟଣା ସ୍ଥଳରେ ପହଞ୍ଚି ଗଛ କାଟି ସଫା କରିଥିଲେ । ଏହାପରେ ଯାତାୟତ ସ୍ୱାଭାବିକ ହୋଇଥିଲା ।