ବୌଦ୍ଧ:ବୌଦ୍ଧର ଯୋଗ @ ବୁଦ୍ଧମ ପକ୍ଷରୁ ବୌଦ୍ଧଗଡ ଏନ.ଏ.ସିର ସମସ୍ତ ସଫେଇ କର୍ମଚାରୀମାନଙ୍କୁ ମାସ୍କ, ସାବୁନ ଆଦି ବିଶୋଧନ ସାମଗ୍ରୀ ବଣ୍ଟନ କରାଯାଇଛି । ପ୍ରତିଦିନ ସହରର ରାସ୍ତାଘାଟ, ବଜାର ଓ ଡ୍ରେନ ସଫା କରି ସହରବାସୀଙ୍କୁ ସ୍ୱଚ୍ଛ ପରିବେଶ ଓ ବାତାବରଣ ଯୋଗାଇ ଦେଉଥିବାରୁ ସେମାନେ ହିଁ କରୋନାର ଅସଲ ଯୋଦ୍ଧା ବୋଲି ଅନୁଷ୍ଠାନର ସଦସ୍ୟମାନେ ସେମାନଙ୍କୁ ବିଭିନ୍ନ ସାମଗ୍ରୀ ବଣ୍ଟନ କରିଥିଲେ । ବୌଦ୍ଧଗଡ ଏନଏସିର କାର୍ଯ୍ୟନିର୍ବାହୀ ଅଧିକାରୀ ମନୋରଂଜନ ପଣ୍ଡାଙ୍କୁ ମଧ୍ୟ ଅନୁଷ୍ଠାନ ପକ୍ଷରୁ ସମ୍ବର୍ଦ୍ଧିତ କରାଯାଇଥିଲା ।