ବୌଦ୍ଧ : ବୌଦ୍ଧ ଜିଲ୍ଲା ହରଭଙ୍ଗା ଥାନା କୋଡାସିଙ୍ଗା ଗ୍ରାମର ଜଣେ ମହିଳା ଆଜି ମହାନଦୀକୁ ଗାଧୋଇବାକୁ ଯାଇ ନିଖୋଜ ଥିବା ଅଭିଯାଗ ହୋଇଛି । ମିଳିଥିବା ସୂଚନା ଅନୁଯାୟୀ ହରଭଙ୍ଗା ଥାନା କୋଡାସିଙ୍ଗା ଗ୍ରାମର ତ୍ରିନାଥ ବେହେରାଙ୍କ ପତ୍ନୀ ମମିତା ବେହେରା(୪୫) ସବୁଦିନ ପରି ଆଜି ସକାଳେ ମହାନଦୀକୁ ଗାଧୋଇବାକୁ ପାଇଁ ଯାଇଥିଲେ । ବହୁ ସମୟ ପର୍ଯ୍ୟନ୍ତ ଘରକୁ ନଫେରିବା ପରେ ପରିବାର ଲୋକେ ଖୋଜାଖୋଜି କରିଥିଲେ । ମହାନଦୀରେ ବୁଡିଯାଇଥିବା ସନ୍ଦେହ କରି ହରଭଙ୍ଗା ଦମକଳ ବାହିନୀକୁ ଖବର ଦେବା ସହ ନିଖୋଜ ହୋଇଥିବା ନେଇ ହରଭଙ୍ଗା ଥାନାରେ ଅଭିଯୋଗ କରିଥିଲେ । ହରଭଙ୍ଗା ଦମକଳ ବାହିନୀର ୧୦ଜଣ ଜବାନ ସଂଧ୍ୟାଯାଏଁ ଖୋଜାଖୋଜି କରିବା ପରେ ମହିଳାଙ୍କର କୌଣସି ସନ୍ଧାନ ପାଇନଥିବା ଜଣାପଡିଛି ।