ସମ୍ବଲପୁର : ସ୍ଥାନୀୟ ନାକଟିଦେଉଲ ବ୍ଳକ ଅନ୍ତର୍ଗତ ସାଲେଭଟା ପଞ୍ଚାୟତର ଶାଲବଣିଆ ଗାଁ ଦାଣ୍ଡରେ ଘଟିତ ଏକ ହତ୍ୟାକାଣ୍ଡ ମାମଲାରେ ପୁଲିସ ୪ ଜଣଙ୍କୁ ଗିରଫ କରିଛି । ଏହି ଚାରିଜଣ ଅଭିଯୁକ୍ତଙ୍କୁ ସେହି ଗାଁର
ଗିରିଧାରୀ ମାଝି (୪୫), ଅଶୋକ ମାଝି (୧୯), ସଞ୍ଜୟ ମାଝି (୪୦) ଓ ଅଶ୍ବିନୀ ମାଝି (୨୪) ରୂପେ ଚିହ୍ନଟ କରାଯାଇଛି । ସେହି ଗାଁ ରେ ଦେହୁରୀ ଓ ମାଝି ପରିବାର ମଧ୍ୟରେ ପୂର୍ବରୁ ଶତ୍ରୁତା ରହିଥିଲା । ଝିଅ କୁ ଅଶ୍ଳୀଳ କମେ°ଟମରାକୁ ନେଇ ସୋମବାର ଦିନ ଝିଅର ପିତା ଗିରିଧାରୀ ମାଝି ସହିତ ଦୁଶାସନ ଦେହୁରୀ ର ବଚସା ହୋଇଥିଲା ଓ ଦୁହେଁ ଦୁହିଁଙ୍କୁ ଦେଖିନେବି ବୋଲି ଧମକ ମଧ୍ୟ ଦେଇଥିଲେ । ସେହି ରାତିରେ ସେମାନଙ୍କ ମଧ୍ୟରେ ପୁଣି ଝଗଡା ହେଲା ଓ ଗିରିଧାରୀ ଅନ୍ୟ ତିନିଜଣଙ୍କ ସାହାଯ୍ୟରେ ଦୁଶାସନ ଉପରକୁ ଆକ୍ରମଣ କରିଥିଲା । ଗିରିଧାରୀ ନିଜର ଟାଙ୍ଗିଆରେ ଦୁଶାସନ ର ବେକରେ ଦୁଇଥର ମାରିବା ପରେ ସେ ସେହିଠାରେ ଟଳି ପଡିଥିଲା । ଖବର ପାଇ ନାକଟିଦେଉଲ ଥାନା ଅଧିକାରୀ ଇମାନୁଏଲ ଏକ୍କା ପୁଲିସ ବଳ ସହିତ ସେଠାରେ ପହଞ୍ଚି ରକ୍ତ ଜୁଡୁବୁଡୁ ଅବସ୍ଥାରେ ଦୁଶାସନ କୁ ଉଦ୍ଧାର କରିଥିଲେ କିନ୍ତୁ ସେତେବେଳକୁ ସେ ମରି ଯାଇଥିଲା । ଆରଦିନ ମାମଲାର ତଦନ୍ତ କରି ପୁଲିସ ଚାରିଜଣ ଅଭିଯୁକ୍ତଙ୍କୁ ଗିରଫ କରିଛି ।