ବାଲିଗୁଡ଼ା: କନ୍ଧମାଳ ଜିଲ୍ଲା କୋଟଗଡ଼ ଥାନା ମାର୍ଲାଙ୍ଗା ପଞ୍ଚାୟତର ସାଲକି ବୁଡାଗୁଡ଼ା ଗାଁରେ ଅଭାବନୀୟ ଘଟଣା । ପୋଖରୀକୁ ଗାଧୋଇବାକୁ ଯାଇ ପୋଖରୀରେ ବୁଡ଼ି ଦୁଇ ସମ୍ପର୍କୀୟ ଭଉଣୀ ମୃତ୍ୟୁ ହୋଇଥିବା ଜଣାପଡ଼ିଛି । ସୂଚନାପ୍ରକାରେ ସାର୍ତ୍ତୁଲ ଗ୍ରାମ ପଞ୍ଚାୟତ ଅନ୍ତର୍ଗତ ପାଙ୍ଗାଲିପଦର ଗାଁର ଜଣେ ଝିଅ ମାର୍ଲାଙ୍ଗା ଗ୍ରାମ ପଞ୍ଚାୟତର ସାଲକି ବୁଡାଗୁଡ଼ା ଗ୍ରାମରେ ରହୁଥିବା ମାମୁଁ ଲୁସିନ୍ତାଙ୍କ ଘରକୁ ବୁଲିବାକୁ ଆସିଥିଲେ । ଗତକାଲି ୧୨ଟା ସମୟରେ ଲୁସିନ୍ତାଙ୍କ ଝିଅ ଓ ଭାଣିଜୀ ଗାଁ ଚର୍ଚ୍ଚ ନିକଟରେ ଥିବା ପୋଖରୀକୁ ଗାଧୋଇବାକୁ ଯାଇଥିଲେ । ହେଲେ କୌଣସି ପ୍ରକାରେ ପୋଖରୀରେ ବୁଡ଼ି ଉଭୟଙ୍କ ମୃତ୍ୟୁ ଘଟିଥିବା ଜଣାପଡ଼ିଛି । ହେଲେ ବର୍ତ୍ତମାନ ସୁଦ୍ଧା ଏନେଇ ଥାନାରେ କୌଣସି ମାମଲା ରୁଜୁ ହୋଇନଥିବା ଜଣାପଡ଼ିଛି ।