ନୂଆପଡ଼ା : ନୂଆପଡ଼ା ଜିଲ୍ଲାକୁ ଦିନିକିଆ ଗସ୍ତରେ ଓଡ଼ିଶା ପୋଲିସ ମହାନିର୍ଦ୍ଦେଶକ ସୁନିଲ ବଂଶଲ ଆସି ନୂତନ ଦାଥୁନାମା କ୍ୟାମ୍ପ ପରିଦର୍ଶନ କରିଛନ୍ତି । ଏହି ପରିଦର୍ଶନ ବେଳେ କ୍ୟାମ୍ପ ଆସିଷ୍ଟାଣ୍ଟ କମାଣ୍ଡଡେଣ୍ଟ ଉପସ୍ଥିତ ରହିଥିଲେ । ଗତକାଲି ରାୟପୁର ଠାରେ ଏକ ଉଚ୍ଚସ୍ତରୀୟ ବୈଠକ ଅନୁଷ୍ଠିତ ହୋଇଥିଲା । ଆସନ୍ତା ଦିନରେ ହେବାକୁ ଥିବା ଛତିଶଗଡ ନିର୍ବାଚନକୁ ଦୃଷ୍ଟିରେ ରଖି କଡ଼ା ସୁରକ୍ଷା ବ୍ୟବସ୍ଥା ସାଙ୍ଗକୁ ସହ ଉଚ୍ଚ ସ୍ତରୀୟ ଅଧିକାରୀଙ୍କ ସହ ଆଲୋଚନା ହୋଇଥିଲା । ଏହି ବୈଠକରେ ଛତିଶଗଡ଼ ପୋଲିସ ମହାନିର୍ଦ୍ଦେଶକ, ମଧ୍ୟପ୍ରଦେଶ ପୋଲିସ ଅଧିକାରୀ, ଝାଡ଼ଖଣ୍ଡ ପୋଲିସ ଅଧିକାରୀ ଉପସ୍ଥିତ ଥିବା ବେଳେ ନିର୍ଦ୍ଦେଶକ ଇଣ୍ଟିଲିଜେନ୍ସ, ଆଇ.ଜି. ଅପରେସନ, ସିଆରପିଏଫ୍ ଅଧିକାରୀ ଯୋଗ ଦେଇଥିଲେ । ଅଞ୍ଚଳରେ ନକ୍ସଲ ଗତିବିଧି ରୁହୁଥିବା ବେଳେ ଏହାକୁ ଭଲ ଭାବରେ ନିୟନ୍ତ୍ରଣ କରିବା ସହ ନିୟନ୍ତ୍ରିତ ଥିବା ପ୍ରକାଶ କରିଥିଲେ ।ମାଓବାଦୀଙ୍କୁ ଓଡ଼ିଶା ପୋଲିସ ମହାନିର୍ଦ୍ଦେଶକ ସୁନିଲ ବଂଶଲ ସମାଜର ମୁଖ୍ୟ ସ୍ରୋତରେ ଫେରିଆସିବାକୁ ଅନୁରୋଧ କରିଛନ୍ତି । ହିଂସାର କୌଣସି ସ୍ଥାନ ନାହିଁ । ହିଂସାର ଜବାବ ଦିଆଯିବ ବୋଲି କହିଥିଲେ । ସେହିପରି ନୂଆପଡ଼ା ଜିଲ୍ଲାରେ ଆହୁରି ନୂତନ ୪ ଗୋଟି କ୍ୟାମ୍ପ ହେବା ନେଇ ସୂଚନା ଦେଇଛନ୍ତି ।