ପାରଳାଖେମୁଣ୍ଡି : ଗଜପତି ଜିଲ୍ଲା ଗୋଶାଣି ବ୍ଳକ କେରାଣ୍ଡି ପଞ୍ଚାୟତର ନୂଆ କେରାଣ୍ଡି ଠାରେ ଥିବା ରାମଲିଙ୍ଗେଶ୍ୱର ସମବାୟ ସମିତି ପକ୍ଷରୁ ସ୍ୱୟଂ ସହାୟକ ଗୋଷ୍ଠୀ ବୃନ୍ଦାବତୀ ମିଶନ ଶକ୍ତିକୁ ପ୍ରଦାନ କରାଯାଇଛି । ଗତକାଲି ଚାଷୀଙ୍କ ଠାରୁ ଧାନ କ୍ରୟ ସକାଶେ ସ୍ୱୟଂ ସହାୟକ ଗୋଷ୍ଠୀ ପ୍ରସ୍ତୁତ ଥିଲେ । ଚାଷୀ ମଧ୍ୟ ଉପସ୍ଥିତ ଥିଲେ । ପ୍ରଥମେ ଯୋଗାଣ ଅଧିକାରୀ ଆସି ସ୍ୱୟଂ ସହାୟକ ଗୋଷ୍ଠୀକୁ ଧାନ କିଣିବା ପାଇଁ କହିଥିଲେ । ପରେ କିଛି ମିଲର ଆସି ଧାନ କିଣିବା ସକାଶେ ଆଲୋଚନା ହୋଇଥିଲା । ଧାନ ସଫା ସୁତୁରା, ଶୁଖିଲା,ଏଫ୍ଏକ୍ୟୁ ମାନର ଧାନ କିଣିବା ପାଇଁ କହିଥିଲେ । ଯୋଗାଣ ବିଭାଗ ମଧ୍ୟ ସେ କଥା କହିଥିଲେ । ପରବର୍ତ୍ତୀ ସମୟରେ ଏଆରସି ଶତ୍ରୁଘ୍ନ ଗିରି ପହଞ୍ଚି ସ୍ୱୟଂ ସହାୟକ ଗୋଷ୍ଠୀଙ୍କ ସହ ଆଲୋଚନା କରି ଫେରି ଯାଇଥିଲେ ।କିନ୍ତୁ ଚାଷୀଙ୍କ ଠାରୁ ଧାନ କ୍ରୟ ହୋଇ ପାରିନ ଥିଲା । ଚାଷୀ ଅସନ୍ତୋଷ ପ୍ରକାଶ କରି ଫେରି ଯାଇଛନ୍ତି ।ଏଥିପ୍ରତି ଜିଲ୍ଲା ପ୍ରଶାସନ ତୁରନ୍ତ ପଦକ୍ଷେପ ନେଲେ ଚାଷିକୂଳ ଉପକୃତ ହୋଇପାରିବେ ବୋଲି ଆଶା କରାଯାଉଛି ।