ଫୁଲବାଣୀ : କନ୍ଧମାଳ ଜିଲ୍ଲାର ଫୁଲବାଣୀ ପ୍ରେସ କ୍ଲବ ପକ୍ଷରୁ ବଡ଼ଦିନ ପର୍ବ ପାଳିତ ହୋଇଯାଇଛି । ଏହି ଅବସରରେ ପ୍ରେସ କ୍ଲବ ସଭାପତି ସୁନୀଲ ପଟ୍ଟନାୟକଙ୍କ ସଭାପତିତ୍ୱରେ ଆୟୋଜିତ ସଭାରେ ବରିଷ୍ଠ ସାମ୍ବାଦିକ ତଥା ଖ୍ରୀଷ୍ଟଧର୍ମାବଲମ୍ବି ଡ଼. ଅରୁପ ଜେନା ଓ ସଦସ୍ୟ ସୂର୍ଯ୍ୟ ନାରାୟଣ ବେହେରାଙ୍କୁ ପୁଷ୍ପଗୁଚ୍ଛ ସହ ଉପଢୌକନ ଦେଇ ପବିତ୍ର ବଡ଼ଦିନ ଅବସରରେ ସମ୍ବର୍ଦ୍ଧିତ କରାଯାଇଥିଲା । ପ୍ରଥମେ ସୂର୍ଯ୍ୟ ନାରାୟଣ ବେହେରା ବାଇବେଲର କିଛି ଅଂଶ ପାଠ କରି ଶୁଣାଇଥିଲେ ଓ ପ୍ରାର୍ଥନା କରିଥିଲେ । ସେହିପରି ବରିଷ୍ଠ ସାମ୍ବାଦିକ ଡ଼.ଅରୁପ ଜେନା ପ୍ରଭୁ ଯୀଶୁଙ୍କ ଜନ୍ମ ବୃତ୍ତାନ୍ତ ଓ ସ୍ନେହ ପ୍ରେମ, ଭାଇଚାରା ସମ୍ପର୍କରେ ମତ ବ୍ୟକ୍ତ କରିଥିଲେ । ପରେ ଏକ୍ସମାସ କେକ କଟାଯାଇଥିଲା । ସମସ୍ତଙ୍କ ମଧ୍ୟରେ ଭାତୃତ୍ୱ ଭାବ ସୃଷ୍ଟି କରିବା ପାଇଁ ପ୍ରଥମ ଥର ଏକ୍ସ ମାସ ପର୍ବ ପାଳନ କରାଯାଇଥିବାରୁ ଡ଼. ଜେନା ଓ ଶ୍ରୀ ବେହେରାଙ୍କ ସମେତ ସଦସ୍ୟ ମାନେ ଖୁସି ବ୍ୟକ୍ତ କରିଥିଲେ । ବରିଷ୍ଠ ଆଇନଜୀବୀ ବିଜୟ କୃଷ୍ଣ ପଟ୍ଟନାୟକ ଯୋଗ ଦେଇ ପ୍ରେସ କ୍ଲବ ପକ୍ଷରୁ ଏଭଳି କାର୍ଯ୍ୟକ୍ରମ କରାଯାଇଥିବାରୁ ଖୁସି ବ୍ୟକ୍ତ କରିଥିଲେ ।
ପ୍ରେସ କ୍ଲବ ସମ୍ପାଦକ ପ୍ରଶାନ୍ତ ବେହେରା ଧନ୍ୟବାଦ ଅର୍ପଣ କରିଥିଲେ । ଏହି କାର୍ଯ୍ୟକ୍ରମକୁ ସାମ୍ବାଦିକ ଜୟଶେନ ପରିଡା, ସହସମ୍ପକ୍ଷଦକ ରମେଶ ଚନ୍ଦ୍ର ପ୍ରଧାନ, କାହ୍ନା ପଟ୍ଟନାୟକ, ବିଶ୍ୱରଂଜନ, କାହ୍ନା ବେହେରା, ସିପୁନ ପ୍ରମୁଖ ସହଯୋଗ କରିଥିଲେ । ଅନ୍ୟମାନଙ୍କ ମଧ୍ୟରେ ପ୍ରେସ କ୍ଳବର କାର୍ଯ୍ୟକାରୀ ସଭାପତି ଅଶୋକ ପରିଡ଼ା, ଉପ ସଭାପତି ସତ୍ୟ ନାରାୟଣ ବେହେରା,ବରିଷ୍ଠ ସାମ୍ବାଦିକ ନାରାୟଣ ସାହୁ, ଶିବାନନ୍ଦ ପଟ୍ଟନାୟକ, ଶିବ ତ୍ରିପାଠୀ, ଅଶୋକ ମହାନ୍ତି, ସଦସ୍ୟ ଆଦିତ୍ୟ ପ୍ରସାଦ ତ୍ରିପାଠୀ, ଶିବ ନାୟକ, ଦୁଃଖି ଶ୍ୟାମ ପ୍ରଧାନ, କ୍ଷୀରୋଦ ସାହାଣୀଙ୍କ ସମେତ ସମସ୍ତ ସଦସ୍ୟ ଯୋଗ ଦେଇଥିଲେ ।