ବୈାଦ୍ଧ- କଣ୍ଟାମାଳ ବ୍ଲକ ଯୋଗିନ୍ଦ୍ରପୁର ଗ୍ରାମରେ ରହିଥିବା ଏକ ବିଦ୍ୟୁତ ଟ୍ରାନସଫର୍ମର ଲୋକଙ୍କୁ ଚିନ୍ତାରେ ପକାଇଛି । ଏହି ଟ୍ରାନ୍ସଫର୍ମରକୁ ବାଡାଦେଇ ସୁରକ୍ଷିତ କରାଯିବାକୁ ଯେତେ ଆପତ୍ତିକଲେ ମଧ୍ୟ ବିଦ୍ୟୁତ ବିଭାଗ ଶୁଣୁନଥିବା ଗ୍ରାମବାସୀ ଅଭିଯୋଗ କରିଛନ୍ତି । ଏହା ପାଖରେ ଏକ ଇଲେକ୍ଟ୍ରିକ କଣ୍ଟ୍ରୋଲ ବକ୍ସ ମଧ୍ୟ ରହିଛି । ଗତ କିଛିଦିନ ହେଲା ଉକ୍ତ ଟ୍ରାନ୍ସଫର୍ମରରୁ ବାରମ୍ବାର ଶବ୍ଦକରି ନିଆଁ ବାହାରି ଫ୍ୟୁଜ ଚାଲିଯାଉଥିବାରୁ ରାସ୍ତାରେ ଯାଉଥିବା ଲୋକ ଆତଙ୍କିତ ହେଉଥିବା ଜଣାଯାଏ । ଏହାଦ୍ୱାରା ଏ ଅଞ୍ଚଳରୁ ମଧ୍ୟ ବିଦ୍ୟୁତ ଚାଲିଯାଇଥାଏ ।
ଟ୍ରାନ୍ସଫର୍ମର ଓ ବିଦ୍ୟୁତ କଣ୍ଟ୍ରୋଲ ବକ୍ସ ରହିଥିବା ସ୍ଥାନକୁ ବାଡାଦେଇ ରଖିବାକୁ ଜନସାଧାରଣରେ ଦାବି ହେଉଛି । ବାରମ୍ବାର ଫ୍ୟୁଜ ଯିବା ଘଟଣାକୁ ମଧ୍ୟ ବିଚାରକରି ତାର ଉପଯୁକ୍ତ ପଦକ୍ଷେପ ନିଆଯିବାକୁ ଗ୍ରାମବାସୀ ଅନୁରୋଧ କରିଛନ୍ତି ।