ଘୁ.ଉଦୟଗିରି,୧୭/୮- ଜନବିକାଶ ସ୍ୱେଚ୍ଛାସେବୀ ଅନୁଷ୍ଠାନ କ.ନୂଆଗାଁ ଆନୁକୂଲ୍ୟରେ ଆଜି କନ୍ଧମାଳ ଜିଲ୍ଲାର ଘୁ.ଉଦୟଗିରିର କରୋନାରେ ଆକ୍ରାନ୍ତ ଓ କରୋନାରେ ମୃତ୍ୟୁବରଣ କରିଥିବା ପରିବାରମାନଙ୍କୁ ଜନବିକାଶ ନିର୍ଦ୍ଦେଶକ ଶ୍ରୀ ମଦନ ସୁଆଲ ସିଂଙ୍କ ତତ୍ତ୍ୱାଧାନରେ ଜନବିକାଶ କର୍ମୀମାନେ ଆଜି ବୁଲିବୁଲି ପୀଡ଼ିତ ପରିବାରମାନଙ୍କୁ ରାସନ ସାମଗ୍ରୀ ଦେବା ସହିତ ଆଗକୁ ଆସୁଥିବା ତୃତୀୟ ଲହରରେ କିଭଳି କନ୍ଧମାଳବାସୀ ସୁରକ୍ଷିତ ରହିବେ ତାହା ବୁଝାଇଥିଲେ । ଉକ୍ତ ରାସନ ବଣ୍ଟନ କାର୍ଯ୍ୟକ୍ରମରେ ଜନବିକାଶ କର୍ମୀ ସଦାନନ୍ଦ ପରସେଟ ସହିତ ଉଦୟଗିରି ବ୍ଲକର ସମାଜସେବୀ ବନ୍ଧୁଗଣ ତଥା ଏନ ରାଜାରାଓ, ଜାକେଶ ପ୍ରଧାନ, ଛୋଟୁ ବାବୁ ସହଯୋଗ କରିଥିଲେ । ମୃତ୍ୟୁବରଣ କରିଥିବା ପରିବାରମାନଙ୍କୁ ଜନବିକାଶ କର୍ମୀ ସମବେଦନା ଜଣାଇଥିଲେ । ଏଭଳି ସାହାଯ୍ୟ ସହଯୋଗ ଓ ସଚେତନ ନିମନ୍ତେ ବୁଦ୍ଧିଜୀବୀ ଓ ଜନସାଧାରଣଙ୍କ ତରଫରୁ ଜନବିକାଶ ନିର୍ଦ୍ଦେଶକ ଓ କର୍ମୀମାନଙ୍କୁୁ ଧନ୍ୟବାଦ ଜ୍ଞାପନ ସହିତ ପ୍ରଶଂସା ଜଣାଇଛନ୍ତି ।