ଜି.ଉଦୟଗିରି/ରାଇକିଆ ୨୭/୬- ଗତକାଲି ରାତିରେ କନ୍ଧମାଳ ଜିଲ୍ଲା ରାଇକିଆ ଥାନା ଅନ୍ତର୍ଗତ ଗାମାଣ୍ଡି ଗ୍ରାମରେ କାଳବୈଶାଖୀ ବର୍ଷା ଓ ବଜ୍ରପାତରେ ଗୋରୁଗାଈର ମୃତ୍ୟୁ ଘଟିଛି । ସୂଚନାଯୋଗ୍ୟ ଯେ ବର୍ଷାହେବା ଫଳରେ ସବୁ ଗାଈଗୋରୁ ଗଛମୂଳରେ ଆଶ୍ରୟ ନେଇଥିଲେ ସେତେବେଳେ ହଠାତ୍ ବଜ୍ରପାତ ଘଟିଥିଲା । ଫଳରେ ଆଶ୍ରୟ ନେଇଥିବା ୭ଟି ଗୋରୁଗାଈଙ୍କ ମୃତ୍ୟୁ ଘଟିଥିଲା । ମୃତ୍ୟୁ ବରଣ କରିଥିବା ସବୁ ଗୋରୁଗାଈ ଗମାଣ୍ଡି ଗ୍ରାମର । ଗୋରୁଗାଈ ମାଲିକ ଗରିବ ହୋଇଥିବା ଫଳରେ ପ୍ରଶାସନ ତରଫରୁ ଆର୍ଥିକ ସହାୟତା ଯୋଗାଇଦେବା ପାଇଁ ଗ୍ରାମବାସୀ ଦାବି କରିଛନ୍ତି ।