ରାଇକିଆ/ଘୁ.ଉଦୟଗିରି,୨୨/୧- ରାଇକିଆ ବ୍ଳକ ଅନ୍ତର୍ଗତ ମଣ୍ଡାକିଆ ପଞ୍ଚାୟତ କାମ୍ବାଗୁଡା଼ ଗ୍ରାମର ଅଭାବନୀୟ ଘଟଣା ଘଟିଛି । ଜେଜେମା ସରୋଜିନୀ ପ୍ରଧାନ ବୟସ ୮୦ ବର୍ଷ ଏବଂ ନାତି ମନୋଜ ପ୍ରଧାନ ବୟସ ୩୦ ବର୍ଷ । ମନୋଜ ଜଣେ ମାନସିକ ରୋଗୀ ଦୁଇଜଣ ଗୋଟିଏ ଘରେ ରହୁଥିଲେ । କୌଣସି କାରଣରୁ ଜେଜେ ଓ ନାତି ମଧ୍ୟରେ ଝଗଡ଼ା ହୋଇଥିଲା । ବିଳମ୍ବିତ ରାତିରେ ଜେଜେ ମାଁ ତଣ୍ଟିଚିପି ହତ୍ୟା କରାଯାଇଥିଲା ନାତି । ସେତେବେଳେ କାମ୍ବାଗୁଡା଼ ଗ୍ରାମର ଆରପଟ ସାହିରେ ଭୋଜି ଖାଇବାକୁ ଗ୍ରାମବାସୀ ସମସ୍ତେ ଏପଟ ସାହିରୁ ଆରପଟ ସାହିକୁ ଯାଇଥିବା ସମୟରେ ଏହି ଘଟଣା ଘଟାଇଛି ଅଭିଯୁକ୍ତ ନାତି । ସାରା ରାତି ଜେଜେ ମାଁ ର ଶବ ପାଖରେ ଅଭିଯୁକ୍ତ ନାତି ବସିରହିଥିଲା । ଆଜି ଦିନ ୧୦ଟା ପର୍ଯ୍ୟନ୍ତ ଜେଜେମା ଘରୁ ନ ବାହାରିବାରୁ ଗ୍ରାମବାସୀ ଘରର କବାଟ ଖୋଲି ଦେଖିଲେ ଯେ ସରୋଜିନୀ ପ୍ରଧାନଙ୍କ ମୃତ ଦେହ ଘରେ ପଡ଼ିରହିଛି । ଗ୍ରାମବାସୀ ରାଇକିଆ ପୋଲିସକୁ ଖବର ଦେଇଥିଲେ । ଘଟଣାସ୍ଥଳରେ ପୋଲିସ ପହଞ୍ଚି ଅଭିଯୁକ୍ତ ନାତି ମନୋଜ ପ୍ରଧାନକୁ ଗିରଫ କରିବା ସହ ଶବ ବ୍ୟବଚ୍ଛେଦ ପାଇଁ ରାଇକିଆ ସ୍ୱାସ୍ଥ୍ୟ କେନ୍ଦ୍ରକୁ ଆଣିଥିଲେ । ଘଟଣା ସଂପର୍କରେ ସୂଚନା ଦେଇଛନ୍ତି ଆଇଆଇସି ଶାନ୍ତନୁ ପ୍ରଧାନ ।