ଘୁ.ଉଦୟଗିରି,୫/୧୦- ଆଜି ସକାଳେ ପୁକୁଲିଙ୍ଗିଆ ଗ୍ରାମର ୪ ଜଣ ତଥା ୨ ପରିବାର କାଠ ସଂଗ୍ରହ କରିବାପାଇଁ ନିକଟସ୍ଥ ଜଙ୍ଗଲକୁ ଯାଇଥିଲେ । ଜଙ୍ଗଲରେ ପୂର୍ବରୁ ମହୁମାଛି ମାନଙ୍କୁ କେହି ହଇରାଣ କରିଥିଲେ ଯାହାଫଳରେ ସେମାନେ ରାଗିକି ଚତୁଃପାଶ୍ୱର୍ ଭ୍ରମଣ କରୁଥିଲେ । ଠିକ ସେହି ସମୟରେ ସ୍ଥାନୀୟ ଅଜିତ ନାୟକ ୩୬ ଓ ତାଙ୍କ ସ୍ତ୍ରୀ ପ୍ରିୟଙ୍କା ନାୟକ ୩୨,ସତିଶ ମଲ୍ଲିକ ୩୮ ଓ ତାଙ୍କ ସ୍ତ୍ରୀ ରଶ୍ମିତା ମଲ୍ଲିକ ୩୨ ଜଙ୍ଗଲକୁ ଯାଇଥିଲେ ସେଠାରେ ସେମାନଙ୍କୁ ମହୁମାଛି କାମୁଡିଥିଲେ ।
ଯାହାଫଳରେ ସେମାନେ ପ୍ରାଣବିକଳରେ ଦୌଡି଼ି ଆସିଥିଲେ କିନ୍ତୁ ମହୁମାଛି ଠାରୁ ବର୍ତ୍ତିନଥିଲେ । ସେମାନଙ୍କୁ ଘୁ ଉଦୟଗିରି ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇ ଚିକିତ୍ସା କରାଯାଉଛି ।