ଘୁ ଉଦୟଗିରି,୫/୩ :ଘୁ.ଉଦୟଗିରି ନଗର ବିଜେଡି ପକ୍ଷରୁ ସଭାପତି ଗୋପାଳ କୃଷ୍ଣ ମହାପାତ୍ରଙ୍କ ନେତୃତ୍ୱରେ ପ୍ରବାଦ ପୁରୁଷ ବିଜୁ ପଟ୍ଟନାୟକଙ୍କ ୧୦୬ ତମ ଜନ୍ମ ଜୟନ୍ତୀ ପାଳିତ ହୋଇଯାଇଛି । ଏହି କାର୍ଯ୍ୟକ୍ରମରେ ଘୁ.ଉଦୟଗିରିର ନଗର ବିଜେଡିର କର୍ମୀମାନେ ଉପସ୍ଥିତ ରହି ପ୍ରଥମେ ଘୁ.ଉଦୟଗିରିସ୍ଥିତ ଗାନ୍ଧୀଛକ ଠାରେ ମହାତ୍ମାଗାନ୍ଧୀଙ୍କ ପ୍ରତିମୂର୍ତ୍ତିରେ ପୁଷ୍ପମାଲ୍ୟ ଅର୍ପଣ କରିବାପରେ ସ୍ଥାନୀୟ ଉପକାରାଗାରରେ ଥିବା ୭୫ଜଣ ଅନ୍ତେବାସୀମାନଙ୍କୁ ଫଳବଣ୍ଟନ କରିବାପରେ ସ୍ଥାନୀୟ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ମଧ୍ୟ ରୋଗୀମାନଙ୍କୁ ଭେଟି ଫଳ, କ୍ଷୀର, ପାଉଁରୁଟି ଦେଇ ଏହି ଜୟନ୍ତୀ ପାଳନ କରିଥିଲେ । ଏହି କାର୍ଯ୍ୟକ୍ରମରେ ଜିଲ୍ଲା ବିଜେଡି ସମ୍ପାଦକ କାଳୁଚରଣ ପଣ୍ଡା, କ୍ରିଷ୍ଣା କୁମାର ପଣ୍ଡା, ନଗର ବିଜେଡି ସଭାନେତ୍ରୀ ଭାନୁପ୍ରଭା ମିଶ୍ର, ନନ୍ଦିତା ପ୍ରଧାନ, ପୂର୍ବତନ ଏନଏସି ଅଧ୍ୟକ୍ଷା ସିଦେ୍ଧଶ୍ୱରୀ ନାୟକ, ଜିଲ୍ଲା ବିଜେଡି ସମ୍ପାଦକ କିଶୋର ଚନ୍ଦ୍ର ନାୟକଙ୍କ ସମେତ ବହୁ ବିଜେଡି ନେତା ଏବଂ କର୍ମୀ ଉପସ୍ଥିତି ରହିଥିଲେ ।