ଗଜପତି,୨୮/୬- ଜିଲ୍ଲା ବିଜୁ ଜନତା ଦଳର ସଭାନେତ୍ରୀ ଭାବେ ନିଯୁକ୍ତି ପାଇବା ପରେ ଶ୍ରୀମତୀ ପୂର୍ଣ୍ଣବାସୀ ନାୟକ ପାରଳାଖେମୁଣ୍ଡିର କଲେଜ ଛକ ନିକଟସ୍ଥ ବିଜୁବାବୁଙ୍କ ପ୍ରତିମୂର୍ତ୍ତିରେ ବିଜୁବାବୁଙ୍କ ପୁଷ୍ପମାଲ୍ୟାର୍ପଣ କରିଥିଲେ । ଆଜି ଗଜପତି ଜିଲ୍ଲା ବିଜେଡି ସଭାପତି ପ୍ରଦୀପ ନାୟକଙ୍କ ନେତୃତ୍ୱରେ ବିଜୁ ଜନତା ଦଳର କର୍ମୀ ନେତା ଏକତ୍ରିତ ହୋଇ ବିଜୁବାବୁଙ୍କ ପ୍ରତିମୂର୍ତ୍ତିରେ ପୁଷ୍ପମାଲ୍ୟାର୍ପଣ କରି ବିଜୁବାବୁଙ୍କ ମହିଳା ସଙ୍ଗଠନ ସୁଦୃଢ କରିବା ସଙ୍ଗେ ସଙ୍ଗେ ମହିଳା ମାନଙ୍କ ବିକାଶ ଧାରାକୁ ସହାୟକ ହେବ ବୋଲି ଗଜପତି ବିଜେଡି ପକ୍ଷରୁ କୁହାଯାଇଛି । ମାନ୍ୟବର ମୁଖ୍ୟମନ୍ତ୍ରୀ ତଥା ବିଜୁ ଜନତା ଦଳର ସୁପ୍ରିମୋ ଶ୍ରୀଯୁକ୍ତ ନବୀନ ପଟ୍ଟନାୟକ ଗଜପତି ଜିଲ୍ଲାର ପୂର୍ଣ୍ଣବାସୀ ନାୟକଙ୍କୁ ବିଜୁ ଜନତା ଦଳର ମହିଳା ସଭାପତି ଭାବେ ନିଯୁକ୍ତି ଦେଇଥିବାରୁ ମାନ୍ୟବର ମୁଖ୍ୟମନ୍ତ୍ରୀଙ୍କୁ କୃତଜ୍ଞତା ଜଣାଇଛନ୍ତି । ଏବଂ ଆଗାମୀ ଦିନରେ ଗଜପତି ଜିଲ୍ଲାରେ ମହିଳା ସଙ୍ଗଠନ ସୁଦୃଢ ଓ ମହିଳା ମାନଙ୍କର ବିକାଶ ହୋଇପାରିବ ବୋଲି ଆଶାବ୍ୟକ୍ତ କରିଛନ୍ତି । ଆଜିର ଏହି କାର୍ଯ୍ୟକ୍ରମରେ ପୂର୍ବତନ ବିଜେଡ଼ି ସଭାପତି ବସନ୍ତ ଦାସ, ପାରଳାଖେମୁଣ୍ଡି ବାର ଏସୋସିଏସନ ସଭାପତି ରାମନାଥ ମିଶ୍ର, ବରିଷ୍ଠ ବିଜେଡି ନେତା ଲକ୍ଷ୍ମୀ କାନ୍ତ ପରିଛା,ଜିଲ୍ଲା ଯୁବ ବିଜେଡି ସଭାପତି ଏସ. ଲିଙ୍ଗରାଜ,ଛାତ୍ର ବିଜେଡି ଜିଲ୍ଲା ସଭାପତି ବିଶ୍ୱଜିତ ତ୍ରିପାଠୀ, ନଗର ବିଜେଡ଼ି ସଭାପତି ସୂର୍ଯ୍ୟ ନାରାୟଣ ରାଜଗୁରୁ, ବରିଷ୍ଠ ବିଜେଡି ନେତା ଅନ୍ତର୍ଯ୍ୟାମୀ ଗୋମାଙ୍ଗ, ଏ. ସାଙ୍କରେୀ, ସୁରେଶ ମାଝୀ ପ୍ରମୁଖଙ୍କ ସହ ବିଜେଡି ନେତା ଓ କର୍ମୀ ଉପସ୍ଥିତ ଥିଲେ । କୋଭିଡ ନିୟମ ଅନୁଯାୟୀ ମାସ୍କ ଓ ସାନିଟାଇଜର ବ୍ୟବହାର କରି ସାମାଜିକ ଦୂରତା ରକ୍ଷା କରି କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା ।