ପାରଳାଖେମୁଣ୍ଡି,୧୦/୭- ଗଜପତିରେ ପୁଣି ୩୦ଟି ନୂଆ କରୋନା ପଜିଟିଭ ଚିହ୍ନଟ ହୋଇଥିବା ଗଜପତି ଜିଲ୍ଲାପାଳ ଅନୁପମ ସାହା ସୂଚନା ଦେଇଛନ୍ତି । ରାୟଗଡ ବ୍ଳକରୁ ୫ ଜଣ, କାଶୀନଗର ବ୍ଳକରୁ ୨ ଜଣ ଓ ଗୋଶାଣୀ ଜଣେ, ମୋହନା ବ୍ଳକରୁ ୨୨ ଜଣ ଚିହ୍ନଟ ହୋଇଛନ୍ତି । ସେମାନଙ୍କର ସ୍ୱାବ ସଂଗ୍ରହ କରାଯାଇଥିଲା । ପଜିଟିଭ ଚିହ୍ନଟ ହୋଇଥିବାରୁ ତାଙ୍କୁ କୋଭିଡ ହସ୍ପିଟାଲ /କୋଭିଡକେୟାର ସେଣ୍ଟରକୁ ଚିକିତ୍ସା ସକାଶେ ପଠାଇଦିଆଯାଇଛି ବୋଲି ଗଜପତି ଜିଲ୍ଲାପାଳ ଅନୁପମ ସାହା ଗଣମାଧ୍ୟମକୁ ସୂଚନା ଦେଇଛନ୍ତି ।