ପାରଳାଖେମୁଣ୍ଡି,୧୪/୨- ଗଜପତିଜିଲ୍ଲା ଗୋଶାଣୀ ବ୍ଳକ ଗେରାବନ୍ଧ ସ୍ଥିତ ଭେକେଟେଶ୍ୱର ଉଚ୍ଚ଼ ବିଦ୍ୟାଳୟ ପରିସରରେ ଅଭିଭାବକ ଓ ଶିକ୍ଷକ ଶିକ୍ଷୟିତ୍ରୀଙ୍କ ବୈଠକ ଭାରପ୍ରାପ୍ତ ପ୍ରଧାନ ଶିକ୍ଷକ ବି.ତିରୁମାଳା ରାଓ ପଟ୍ଟନାୟକଙ୍କ ତତ୍ତ୍ୱାବଧାନରେ ଅନୁଷ୍ଠିତ ହୋଇଯାଇଛି । ଏହି ବୈଠକରେ ୬୩ ଜଣ ଅଭିଭାବକଙ୍କ ସହ ସ୍କୁଲର ସମସ୍ତ ଶିକ୍ଷକ ଶିକ୍ଷୟିତ୍ରୀ ଯୋଗ ଦେଇ ଦଶମ ଶ୍ରେଣୀର ଛାତ୍ର ଛାତ୍ରୀଙ୍କୁ ସ୍ୱତନ୍ତ୍ର ଶିକ୍ଷା ଦେବା ସହ ପରୀକ୍ଷା ପ୍ରସ୍ତୁତିର ପ୍ରାକ ଯୋଜନା ପାଇଁ ଏକ କର୍ମଶାଳା ଅନୁଷ୍ଠିତ ହୋଇଯାଇଛି । ୨୦୨୧ର ବାର୍ଷିକ ପରୀକ୍ଷାର ଛାତ୍ରଛାତ୍ରୀଙ୍କ ପାଇଁ ଶିକ୍ଷା ପ୍ରସ୍ତୁତି ଓ ଦକ୍ଷତା ବୃଦ୍ଧି ସହ ପରୀକ୍ଷା ଫଳ ଉଚ୍ଚକୋଟିର ହେବାପାଇଁ ଆଲୋଚନା ଓ ନିଷ୍ପତ୍ତି ଗ୍ରହଣ କରାଯାଇଥିଲା । ରାଜ୍ୟସରକାରଙ୍କ ଦ୍ୱାରା ଯୋଗାଯାଇଥିବା ପରୀକ୍ଷା ଦର୍ପଣର ଲକ୍ଷ୍ୟ ଉଦ୍ଦେଶ୍ୟ ଓ ଉପଯୋଗିତା ଉପରେ ପୁଙ୍ଖାନୁପୁଙ୍ଖ ଆଲୋଚନା ହୋଇଥିଲା । ଏହିଭଳି ବୈଠକ ହୋଇ ଥିବାରୁ ଅଭିଭାବକ ମାନେ ଖୁସି ବ୍ୟକ୍ତ କରିଥିଲେ । ପରି ଶେଷରେ ପ୍ରଧାନ ଶିକ୍ଷକ ଧନ୍ୟବାଦ ଅର୍ପଣ କରିଥିଲେ ।