ପାରଳାଖେମୁଣ୍ଡି,୬/୧- ଗଜପତି ଜିଲ୍ଲା ସଦରମହକୁମା ପାରଳାଖେମୁଣ୍ଡିସ୍ଥିତ କଂଗ୍ରେସ କାର୍ଯ୍ୟାଳୟରେ କଂଗ୍ରେସର କାର୍ଯ୍ୟକାରିଣୀ ବୈଠକରେ ଗଜପତି ଜିଲ୍ଲା ଯୁବ କଂଗ୍ରେସ ପୂର୍ବତନ ସଭାପତି ମନୋଜ ସାହୁ ବୈଠକରେ କଂଗ୍ରେସକୁ ସୁଦୃଢ କରିବା ଓ ତାଙ୍କ ପିତା ସ୍ୱର୍ଗତଃ ପୂର୍ବତନ ବିଧାୟକ ତ୍ରିନାଥ ସାହୁଙ୍କ ନୀତିଆଦର୍ଶରେ ଅନୁପ୍ରାଣିତ ହୋଇ କଂଗ୍ରେସକୁ ଏକତ୍ରିତ କରି ଆଗାମୀ ପୌର ପରିଷଦ ଓ ପଞ୍ଚାୟତ ନିର୍ବାଚନରେ କଂଗ୍ରେସର ସମସ୍ତ ପ୍ରାର୍ଥୀଙ୍କୁ ଜିତାଇବା ବୋଲି କହିଥିଲେ । ଦୀର୍ଘ ୨୦ ବର୍ଷ ମୋର ପିତା ଗରିବ ଖଟିଖିଆଙ୍କର ସେବା କରିଛନ୍ତି, ଆଜିପର୍ଯ୍ୟନ୍ତ ଜନସାଧାରଣ ତାଙ୍କୁ ମନେ ପକାଉଛନ୍ତି ମୁଁ ଜଣେ କଂଗ୍ର୍ରେସର ଶୃଙ୍ଖଳିତ କର୍ମୀ ଭାବେ କାମ କରୁଅଛି । କଂଗ୍ରେସକୁ ଏକତ୍ରିତ କରି ସୁଦୃଢ କରି ଆଗାମୀ ପଞ୍ଚାୟତ ଓ ପୌର ପରିଷଦ ନିର୍ବାଚନରେ ଯେପରି କଂଗ୍ରେସ ବିଜୟ ଲାଭ କରିବ ସେଥିପାଇଁ ମୁଁ ସହଯୋଗ କରିବି ବୋଲି କହିଥିଲେ ।