ଗଜପତି,୨୬/୬- ଗଜପତି ଜିଲ୍ଲା ସଦର ମହକୁମା ପାରଳାଖେମୁଣ୍ଡିସ୍ଥିତ ସରସ୍ୱତୀ ଶିଶୁ ବିଦ୍ୟା ମନ୍ଦିରର ସମସ୍ତ ଛାତ୍ରଛାତ୍ରୀ ମ୍ୟାଟ୍ରିକ ପରୀକ୍ଷାରେ କୃତକାର୍ଯ୍ୟ ହୋଇଛନ୍ତି । ଶିଶୁ ବିଦ୍ୟା ମନ୍ଦିରର ପ୍ରଧାନ ଆଚାର୍ଯ୍ୟ ସରୋଜ କୁମାର ପଣ୍ଡା ଗଣମାଧ୍ୟମକୁ ସୂଚନା ଦେଇଛନ୍ତି । ୨୦୨୦-୨୧ ବର୍ଷରେ ବିଦ୍ୟାଳୟର ୭୦ ଜଣ ଛାତ୍ରଛାତ୍ରୀ ପରୀକ୍ଷା ଦେଇଥିଲେ । ସେଥି ମଧ୍ୟରୁ ଇ-୧ ଗ୍ରେଡରେ ୪ ଜଣ, ଇ-୨ ଗ୍ରେଡରେ ୪୯ ଜଣ,ଈ-୧ଗ୍ରେଡରେ ୯ ଜଣ ଓ ଈ-୨ ଗ୍ରେଡରେ ୮ ଜଣ ଛାତ୍ରଛାତ୍ରୀ କୃତକାର୍ଯ୍ୟ ହୋଇଛନ୍ତି । ଚଳିତବର୍ଷ ଜିଲ୍ଲାରେ ଇ-୧ଗ୍ରେଡ଼ରେ କୃତକାର୍ଯ୍ୟ ହୋଇଥିବା ସମସ୍ତ ଛାତ୍ର ଛାତ୍ରୀ ସରସ୍ୱତୀ ଶିଶୁ ବିଦ୍ୟା ମନ୍ଦିରର ଅଟନ୍ତି ।
ଦେବାଶିଷ ପ୍ରଧାନ ୫୪୮ ନମ୍ବର ରଖି ଜିଲ୍ଲାରେ ପ୍ରଥମ ସ୍ଥାନ ହାସଲ କରିଥିବା ବେଳେ, ତୁଷାର କୁମାର ପଣ୍ଡା ୫୪୫ ଦ୍ୱିତୀୟ ସ୍ଥାନ, ଅନାମିକା ମହାକୁଳ ଓ ବିକାଶ ଚୌଧୁରୀ ୫୪୦ ରଖି ତୃତୀୟ ସ୍ଥାନ ହାସଲ କରିଛନ୍ତି ।